Governu-AHHA Education Asina Akordu Loke Formasaun Lian Inglés iha Área Rural Featured

By Ekipa INDEPENDENTE Fevereiru 11, 2024 1004
Governu liu husi Ministru Dezenvolvimentu Rural  Habitasaun no Komunitaria (MDRHC), asina Memorandu Entedimentu ho AHHA Education hodi loke kursu lian inglés ba joven sira iha área rural. Foto:Media G-VPM. Governu liu husi Ministru Dezenvolvimentu Rural  Habitasaun no Komunitaria (MDRHC), asina Memorandu Entedimentu ho AHHA Education hodi loke kursu lian inglés ba joven sira iha área rural. Foto:Media G-VPM.

DILI: Governu liu husi Ministru Dezenvolvimentu Rural  Habitasaun no Komunitaria (MDRHC), asina Memorandu Entedimentu ho AHHA Education hodi loke kursu lian inglés ba joven sira iha área rural.

The Founder And Director AHHA Education Madenjit Singh, agradese ba governu bele asina memorandu ida ne’e hodi servisu hamutuk ba oin.

“Ami iha ne’e tinan 17 ona, ohin asina memorandu ne’e importante tebes ba AHHA Education hamutuk ho Ministériu Dezenvolvimentu Rural no Habitasaun Komunitária atu servisu hamutuk di’ak liután atu nune’e buat ne’ebé durante ami estuda bele fahe Timor oan tomak liu-liu sira ne’ebé iha area rural,” dehan nia iha komunikadu ne’ebé Online INDEPENDENTE sita.

Fundadór AHHA Education ne’e informa, formasaun lingua ne’ebé AHHA Education sei hanorin iha fatin tarjetu mak hanesan, lian Ingles, Portugés, tuir planu sei aumenta tan, Lian Korea, Japaun no Siensia umana.

Iha fatin hanesan Vise Primeiru Ministru, MKAS no MDRHK, Mariano ASSANAMI Sabino, agradese ba AHHA education ne’ebé durante ne’e volontariamente eduka timor oan lubuk ida ohin loron ko’alia ona Ingles hodi asesu ba merkadu traballu no balun sai ona mestri iha nasaun sira seluk, no agora sira planu sei ba tan Japaun.

“Iha memorandu ne’e ita la ko’alia osan, maibé ita sei fó espasu loke lai kursu depois ba oin ita bele haree sira nia nesesidade,” dehan, VPM.

Vise-Primeiru Ministru informa, fatin sira ne’ebé AHHA Education sei loke formasaun ne’e bazeia ba tarjetu Ministériu Dezenvolvimentu Rural no Habitasaun Komunitária nian.

Iha formasaun ne’e sira la’os de’it ba hanorin lingua, maibé sira mós sei hanorin oinsá atu bele transforma mentalidade sidadaun nian hodi bele adapta aan ba situasaun real hodi kontribui ba dezenvolvimentu nasionál.

Tuir planu programa Ministériu MDHK sei hala’o iha aldeia 75 no Habitasaun Komunitaria sei halo uma 90 iha fatin tolu mak hanesan, Aubeon, Manatutu, SP5, Manu-fahi no Tunu-Bibi, Bobonaro.

Enkontru ne’e, Vise-Primeiru Ministru, hetan akompañamentu husi Xefe Gabinete MDRHK, Mariano Fernando Malik no Xefe Gabinete VPM-MKAS Nivio Magalhães.

Rate this item
(0 votes)

Independente Digital TV