Fulan Ualo, Polisia VPU Bobonaro Rejista Kazu Violensia Doméstika 45 Featured

By Ivonia Varela Outubru 04, 2023 942
Vitima ne'ebe Hetan Violensia Seksual. Foto:Dok. Vitima ne'ebe Hetan Violensia Seksual. Foto:Dok.

DILI:  Durate fulan ualo (8), hahú husi fulan-Janeiru to’o Agustu Polisia Nasionál Timor-Leste-Unidade Ema Vulnerave (PNTL-VPU) Munispiu Bobonaro rejista kazu violénsia Doméstika hamutuk 45.

Xefe Subsesaun Polisia VPU Munisipiu Bobonaro, Primeiru Sarjentu Elvira Tavares hatete, kazu Violénsia Doméstika ne’e kompostu husi krime Violénsia Doméstika  ofensa fiziku direitu simples  40, abuxu sexual hasoru menoridade rua (2) kazu koasaun sexual ida (1)  no mós kazu  aktu sexual hasoru adolosente ida (1).

“Prosesu ba kazu hirak ne'e rejistu hotu ona iha Ministériu Públiku,” Xefe Subsesaun Polisia VPU iha Hotel Timor, Tersa (03/10).

Xefe Subvensaun afirma, Polisia VPU asegura ona Vítima hodi prefere ba uma mahon, Pradet, Alfela no ba parte legál sira hodi akompaña sira nia prosesu.

Nia dehan, Polisia VPU nia servisu mak atu asegura vítima sira no halo relatóriu ba Ministeriu Publiku (MP), tan ne'e VPU halo ona kordenasaun ho rede refereral sira oinsa atu fo tulun vítima sira.

“Konaba asistensia legál no asistensia sosial sira ne’e filafali ba Ministeriu Públiku, no iha rede referral oinsa atu fo tulun vítima sira tuir nesesidade vítima sira ne'ebé nesesariu atu bele fo tulun”.

Rate this item
(0 votes)

Independente Digital TV