ME Ensera Programa Hamenus Lixu Plástiku Iha Eskola 12 Outubru Featured

By Ivonia Varela Outubru 03, 2023 619
Ministériu Edukasaun (ME) ensera programa hamenus lixu plástiku ne'ebé hetan apoiu husi Organizasaun Naun Gornamentál PERMATIL, ho Parseiru Internasionál Mercy Corps. Foto:INDEPENDENTE/Ivonia. Ministériu Edukasaun (ME) ensera programa hamenus lixu plástiku ne'ebé hetan apoiu husi Organizasaun Naun Gornamentál PERMATIL, ho Parseiru Internasionál Mercy Corps. Foto:INDEPENDENTE/Ivonia.

 

DILI: Ministériu Edukasaun (ME) ensera programa hamenus lixu plástiku ne'ebé hetan apoiu husi Organizasaun Naun Gornamentál PERMATIL, ho Parseiru Internasionál Mercy Corps.

Enkuantu, programa ne’e hala’o ona durante fulan tolu, hahú husi fulan-Agostus to’o Outubru tinan ne’e.

Ministra Edukasaun Dulce de Jesus Soares hatete,  programa ne'e parseiru ho NGO lokal sira mak apoiu ba Ministériu Edukasaun, hodi hanorin estudante sira atu labele soe foer arbiru iha fatin públiku.

“Atu kuidadu ambiente, la bele soe fo'er arbiru no tenki soe fo'er iha fatin lixu, entaun estudante sira mós komprende hodi la soe foer arbiru”, dehan nia iha EBF 12 Outubro Tasi-Tolu, Tersa (03/9).

Ministra Edukasaun husu ba organizasaun rua ne'e, atu kontinua servisu hamutuk ho Ministeriu Edukasaun, nune'e programa sira ne'e kontinua implementa ba eskola sira iha Timor laran tomak.

“Mesmu ke  sai ona  iha parte kurikulum ME nian maibé presiza tan reforsa husi parseriu sira, atu nune'e nia   implementasaun ba eskola sira ne'e bele di'ak liu tan,”tenik Ministra.

Iha fatin hanesan Jerente ba Programa Hamenus Lixu, Graziela Xavier hatete, hato'o parabens ba estudante kampioñatu na’in 29  ne'ebé sai ona pilotu ba atividade extrakurikular ba iha poluisaun plastiku nian no mos ba iha risku dezastre iha eskola nian.

“Parabens ba kampioñatu nain 29 ne'ebe kompleta ona sira nia sesaun iha semana 12 sai hanesan ajente de mudansa ba iha hamenus lixu plastiku nian,” katak Jerente.

“Atividade ohin loron nian ami kobre programa rua, ida mak hamenus husi plastiku nian no risku dezastre ba iha eskola nian, ho nia objetivu atu hanorin eskola sira atu hasae sira nia kuiñesimentu liliu ba estudante sira oinsá sira bele sai ajente ba iha mudansa iha sira nia eskola, uma laran no mós iha komunidade hodi bele hamenus lixu plastiku iha ita nia rain,” dehan Jerente.

Iha fatin hanesan, Kordenadora iha eskola EBF 12 Outubru Tasi Tolu, Rosa Correia senti orgullu tebes ho atividade sira nee, oinsa mak bele eduka estudante sira atu bele soe foer tuir nia fatin.

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31