Tanba nia dehan, iha eskola 12 Outubru total estudante hamutuk 1.986 no kada sala de aula akumula estudante hamutuk 71.
Enkuantu, iha prosesu aprendizajen fahe ba tornu rua, dader no lokraik.
“Ha’u sente sala de aula ne’e la sufisiente ba estudante sira, tanba númeru estudante ne'e sempre aumenta iha kada tinan, tanba ne'e husu ba ME atu tau mós atensaun ba ida ne'e,” dehan kordenadora iha EBF 12 Outubru Tasi-Tolu, Tersa (3/10).
Nia hatutan, iha eskola refere, total sala de aula hamutuk 34 no total professor hamutuk 46 kompostu husi professor permanente na’in 15, kontratadu na’in 22 no voluntariu na’in 10.
Entretantu, Ministra Edukasaun Dulce de Jesus Soares, hatete, iha Orsamentu Jerál Estadu 2024 Ministeriu Edukasaun sei tau prioridade ba eskola sira ne’ebé menus fasilidade.
