Xefe Gabinete Kontrolu Kualidade no Komunikasaun Sosial-HNGV, Sara Maria Xavier hatete, dadus maternidade hahú husi fulan-Janeiru too fulan-Marsu total inan sira ne’ebé mai baixa iha sala maternidade HNGV hamutuk 1.453.

“Bebé sira ne’ebé mate iha inan nia kabun laran hamutuk na’in 26 no Bebé sira ne’ebé moris mai hetan komplikasaun axipsia dada is la diak mate na’in 27,”dehan nia iha HNGV, ohin.

Nia esplika, bebé sira ne’ebé maka mate ne’e tanba hetan moras komplikasaun inan sira sofre moras aspixia dada is susar kauza husi inan sira ne’ebé hypertensaun, anemmia, infesaun ruma bebé sira labele dezenvolve ho diak kuandu sira moris mai entaun sira mate.

Nia mós relata kona-ba dadus inan sira ne’ebé partu ne’e hamutuk 1.377, kompostu husi partu normal na’in 1.034, partu sejariana operasaun 256, inan sira ne’ebé partu liuhusi instrumental ventoza 87, bebé sira ne’ebé moris kidan mak uluk partu pédiku 31.

Durante fulan-tolu inan sira ne’ebé mate ne’e na’in tolu, sira partu iha munisipiu akontese hemorajia no  transfere mai HNGV la konsege salva sira mate tanba kondisaun gravé.