“Ema hirak ne’e lakon vida tanba balun ai tohar mak hanehan, mota lori, mout iha lagoa no balun lafaek mak tata,”dehan Diretór Relasaun Externa no Komunikasaun Anacleto Caitano, iha Sala Konferensia APC, Kaikoli, segunda (26/06).

Nia dehan, aleinde, dezastre naturais halakon ema nia vida, estragus mós uma kain hamutuk 1.086 mak hetan estragus.

Tanba ne’e, husi uma kain hirak ne’ebé hetan estragus APC halo ona verifikasaun no iha uma hamutuk 618 mak tama iha kategoria rekuperasaun nian.

Nia hatutan, uma ne’ebé hetan estragus mai husi tipu dezastre oioin hanesan, rai-halai, udan boot rezulta inundasaun, anin-boot halo Ai-tohar hodi hanehan uma no sirkuit eletrisidade halo ahi-han uma.

Entretantu, vitíma hirak ne'e Autoriedade Protesaun Sivil fó ona apoiu emerjensia hanesan food item no la'os food item.