Nia dehan, total benifisiáriu ne’ebé sei simu sira nia direitu ba pensaun sosial iha loron 20 fulan-juñu ne’e, hamutuk na’in rihun 107.784, kompostu husi pensaun invalides hamutuk 10.427 no pensaun velice ka idozus hamutuk na’in 97.357.
“Iha segundu trimestre ne’ebé sei akontese iha loron 20 fulan juñu, ita sei halo pagamentu liu husi banku sira, iha territorio laran tomak, por volta benifisiariu hamutuk 107. 784 ne’ebé atu simu Pagamentu,”dehan nia ba jornalista Online INDEPENDENTE iha nia knar fatin INSS, Kaikoli, Dili, Tersa ne’e (03/06).
Nia esplika, husi benifisiariu na’in 107.784 ne’e, mai husi Munisipiu Aileu na’in 3.944, Ainaro iha ema na’in 5.958, Baukau ema na’in 15.398, Bobonaro ema na’in 10.217, Kovalima ema na’in 7.362, Dili iha ema na’in 11.349, Ermera iha ema na’in 11.022, Lautem iha ema 6.356, Likísa iha ema na’in 7.195, Manatutu iha ema na’in 5.155, Manufahi hamutuk ema na’in 6.084, Oecuse iha ema na’in 7.991 no Vikeke hamutuk benifisiariu na’in 9.755.
Entretantu, montante orsamentu ne’ebé sei selu ba benifisiariu na’in 107.784 ne’e hamutuk $32.780.541,00.
