Xefe Klínika Bairo-Pite Inácio do Santos hatete, iha Juñu nia laran Klinika Bairu Pite rejistu pasiente sira ne'ebé konsulta iha klinik refere hamutuk 4000.
"Enjeral iha Juñu ita atende fulan tomak konsege rejistu ema sira ne'ebé mai konsulta iha ne'e total pasiente hamutuk 4000 no husi kazu hirak moras IRA mak nùmeru aas liu," dehan Xefe iha nia Knar fati Bairo-Pite, Sesta (21/07).
Xefe dehan, husi dadus ne'e ba maternidade inan isin-rua ne'ebé ba konsulta iha Klínika refere iha 283, Diária iha 58 kazu ba labarik kikoan sira.
Nune'e mos, Klinik refere iha Juñu nia laran deteta kazu HIV-SIDA foun lima (5) no total kazu HIV-SIDA ne'ebé klínika rejistu durante ne'e hamutuk 242.
Enkuantu, asidenti tráfiku rejistu pasiente hamutuk 59, no kazu asidenti sira seluk 74 no moras kulit iha 110.
Nia akresenta, kona-ba médikamentu, Klínika refere ai-moruk barak mak stock out durante fulan rua nia laran, tan ne’e bainhira pasiente sira mai konsulta mak ai-moruk la iha sira tenki ba sosa iha apotik.
