Presidente Autoridade Protesaun Sivil, Superintendente Polisia, Ismail Babo hateten, durante fulan 5 hahú iha Janeiru to’o Maiu 2022, udan bo’ot rezulta tipu dezastre naturais rai halai, anin sobu komunidade nia uma iha teritoriu Timor laran tomak.

“Ita rezistu tipu dezastre ne’e barak, agora dadaun ita rejistu rai halai no anin sobu uma depois Inundasaun iha parte balun iha teritoriu nasioanal ita halo estimasaun hamutuk 200 ita fo ona asistensia umanitaria no apoiu emergensia ba vitima sira,” Dehan Ismail ba Jornalista sira, hafoin sorumutu ho parseiru nasional no Internasional iha Hotel Timor, (21/06).

Nia dehan, konaba apoiu rekopersaun ba vitima dezastre naturais sira dadaun ne’e ekipa tekniku sira iha Munisipiu hotu hahu ona halo verifikasaun ba dadus hotu, hafoin bele fo rekoperasaun ba sira.

“Ita agora hahu on ahalo verifikasaun ba dadus vitima sira iha fulan lima ne’e  hotu ida ne’ebe mak tama iha lista ita fo rekoperasaun ba sira atu bele hadia fali sira nia uma,” katak nia.

Nia esplika, vitima dezastre naturais iha 4 Abril 2021 balun seidauk hetan apoiu rekopesaun, razaun sira seidauk hetan fatin diak, tanba sira kontinua hela iha fatin risku ba dezastre sira.

“Rekoperasau ita hotu hatene katak iha tinan kotuk liu ba iha dia 4 abril ita nia Vitima balu seidauk hetan rekoperasaun, iha razaun tanba sira seidauk hetan fatin no sei hela iha area risku ba dezastre, hanesan sira ne’ebe hela iha mota laran sira ne’ebe hela iha Tasi Tolu no fatin seluk iha Munisipiu balun,” dehan  nia.

Nia argumenta  tuir dekretu Lei numeru 7   artigu 9 estadu bele fo apoiu, maibe iha nia kriteiru maka labele iha area ne’ebe maka atu akontese dezastre no area ne’ebe maka akontese ona dezastre no area ne’ebe maka protezidu, ida ne’e protesaun Sivil kaer metin  hodi implemeta.

“Ita labele fo rekoperasaun, bainhira iha solusaun ba estatutu rai ne’e katak rai ne’e ninian no rai ne’e laos risku ba dezastre, nune’e protesaun Sivil prontu fo apoiu, tanba ita  nia lei no regalia sira maka kesi hotu Ita atu i banati tuir, tantu ami ne’ebe implementador no ajensia protesaun Sivil nian tantu sidadaun tomak ne’ebe maka hela iha nasaun ne’e,” hakotu nia.

Entretantu tuir dadus  Protesaun sivil rejista vitima ba dezastre naturais iha 4 Abril Tinan 2021 akontese iha teritoriu timor laran tomak  hamutuk rihun 5 uma hetan estragus fo ona apoiu rekopersaun rihun 2.500 resin hela rihun 2 mak seidauk bele fo apoiu rekoperasaun, tanba ho razaun vitima sira seidauk iha rai propriu ba sira atu halo hikas sira nia uma.