Tuir Diretór Institutu França, Stéphane Dovert hateten, durante ne'e Institutu França fó apoiu finanseiru ba Timor-Leste hodi foka liu ba área esensia hanesan hanesan bee moos no seguransa alimentar.
"França fó apoiu finanseiru maizumenus tokon US$ 2," dehan nia, iha Palasiu Prezidensiál, Bairru-Pité, horisehik.
Nia dehan, ko'alia barak liu mak kooperasaun Timor-Leste ho França, liuliu ba dezenvolvementu iha Timor-Leste ho França, ko'alia ba dezenvolvementu iha Timor importante liuliu ba setór bee moos.
Kona-ba seguransa alimentár tenke rezolve uluk bee moos. Tanba iha Timor-Leste asuntu bee ne'e asuntu ne'ebé importante tebes.
Nia esplika, setór bee moos hahú ona, iha timoroan balun mós ne'ebé servisu iha PERMATIL mak halo barrazen hodi rai ne'e ba tempu badak.
Alende ne'e, Xefe Estadu esplika kona-ba inagurasaun Portu Tibar iha fulan-Novembru, operadór ne'ebé konstrui Tibar kompañia ida naran Bolore ema Franseza ida.
Iha fatin hanesan, reprezentante França iha Timor-Leste Estelle Duluc kooperasaun ho Timor-Leste mak bee moos, biodivesrsidade, direitu umanu no igualidade jéneru.
Nia hateten, Xefe Estadu gosta tebes projetu bee moos no agrukultura, tanba ne'e Xefe Estadu fó obrigadu ba França tanba bele suporta bee moos.
Nia esplika, projetu bee moos ne'e hahú implementa fiziku iha 2018 koopera servisu hamutuk ho PERMATIL.
Entretantu, iha enkontru Estadu sensivel tebes kona-ba seguransa alimentár no bee moos no mós agrikultura iha Timor.
Nune'e, Xefe Estadu dehan, asuntu ne'e importante tebes, ne'ebé presiza haree tanba ne'e husu atu hetan péritu internasionál ida kona-ba setór bee ninian.
