Diretora FOKUPERS, Maria Fatima Guterres hatete, iha tinan 2023 konsege rejista kazu violensia doméstika no sexual hamutuk 271.
Nia dehan, violensia domestika ne’ebé akontese tanba mai husi fator ekonomia no fator sira seluk. Ho nune’e, vitima sira ne’ebé lori ba iha uma mahon, akompaña mós husi inan sira.

“Vitima sira ne’ebé iha uma mahon, iha tinan 2023, ita konsege re-intrega fila-fali ba familia hamutuk na’in 167,”dehan nia iha knar fatin, Farol, Dili, (16/01/24).

Nia hatutan, husi kazu hirak ne’ebé FOKUPERS rejistu, iha mós labarik sira ne’ebé akompaña inan sira ba iha uma mahon hamutuk na’in 66.
"Se ita boot sira hatene tanba kazu violasaun bazeia ba jéneru ne'e inklui mós ho kazu sira ne'ebé ho ninia natureza sira husi violensia ne'ebé halo hasoru feto sira iha uma laran,”tenik nian.

Entretantu, husi kazu hirak ne'e FOKUPERS konsege halo akompañamentu ba prosesu legál ne'e hamutuk kazu 248, ida ne'ebé hetan desizaun finál husi tribunál iha kazu 25 no entre sira ne'e, iha kazu ualu mak tama iha kazu babain.