Prezidente Konsellu Kurador FokuPers, Maria Domingas Fernandes Alves hatete, relasiona ho Kampaña loron 16 ativizmu kontra violensia hasoru feto maka FokuPers halo atividade semináriu no bazar ho tema (hamutuk ita prevene no hapara ona violensia hasoru feto liu husi asegura feto nia Direitu fundamental sira inklui direitu ba rai no propriedade).

"Loron hirak ne'e nia laran hahu kedas dia 25 Novembru baibain ita hatene katak hahu Kampaña 16 dias ativizmu bazeia bá jéneru no FokuPers nia vizaun no misaun boot mak desde uluk kedas hakarak atu halo remata ka halo kotu korenti ida ne'ebé kontinua akontese lorloron iha ita nia sosiedade sa tan agora ita rejista barak tanba ema komesa hetan konsiensia katak violensia ne'e krime bazeia bá lei Kontra violensia domestika ne'ebé Aprova iha 2010 depois ita iha mós planu de asaun annual," dehan nia hafoin selebra loron violensia hasoru feto iha Edifisiu FokuPers Farol, Tersa (03/12).

Nia salienta, Iha mós konvensoens lubuk ida estadu Timor-Leste ratifika dadaun no FokuPers hato'o Relatoriu bebeik ona no FokuPers mós la iha nein loron ida hanesan FokuPers liu-liu iha loron ida ohin Parseiru ho Oxfam hanesan parseiru desde uluk 1978 to'o agora.

Parseiru ida ne'ebé Sempre apoiu FokuPers bá asuntu violensia ka violasaun kontra feto.

"Atu dehan de'it fó bemvindu ba hotu-hotu, ha'u la ko'alia naruk tanba ita hotu hatene ona kona-ba violensia no ita mós hatene ona katak spot light loron ida iha 2021 sei halo nia relatoriu ida katak violensia Timor-Leste sei iha 64% ka sei iha númeru ida boot atu Kombate kontra violensia."

"Ne'ebé ita lalikan ko'alia barak maibé ita tenke asaun mak barak, ita hein katak SEI sei sai nafatin parseiru ida di'ak hanesan parte husi Governu no hein mós katak Parlamentu Nasionál no mós Parlamentu ita iha feto ida nu'udar Prezidente Parlamentu, hein mós katak Prezidente Repúblika bele sensivel liu, ita Rona tiha ona notisia balu ke laloos maibé ita fiar katak Prezidente Repúblika sensivel mós bá kestaun violasaun kontra feto," nia dehan.

Nia salienta, Aat liu agora maka violasaun ida seksual, hanoin dehan iha tempu Indonézia maka ema halo violasaun bá feto liu-liu violasaun seksual sei nafatin akontese.

"Mana sira ha'u loron tolu ne'e tanis hamutuk hela ho feto maluk sira Eis tahanan Politik ka Eis Prizioneru ami foin horisehik halo hotu kongresu Eis Prizioneru Politiku ne'ebé sei rona mana sira ko'alia sira nia istoria, tanis hamutuk ho sira para ohin ita mai sai nafatin problema boot ida ba ita," nia dehan.

Hanoin katak Indonézia de'it nu'udar inimigu tropas Indonézia mak halo violasaun bá Feto sira mais na realidade uma mós sei kontinua halo violasaun hasoru feto.

"Ne'ebé mai ita hamutuk rona orador sira ita hein katak violensia ne'e bele para ka bele kotu, sa tan ita ne'e kuaze 80% ema relijiaun Katólika, ne'ebé mak ita hein katak hahalok aat sira ne'e bele para, maske impaktu da pobreza, razaun sira seluk dala barak ita iha ambisaun hakarak iha bu'at mais ita la konsege,  entaun saida mak ita halo mak ita nia parseiru ida intimu liu ne'e mak halo liu ba," tenik nia.

Iha fatin hanesan Diretor Jerál Sekretáriadu Estadu Igualidade, Armando da Costa hatete, Sekretáriu Estada labele marka prezensa tanba agora iha viajen bá Lautém, kongresu asaun feto Munisípiu Lautém nia realiza ohin no aban, ho nune'e lori Sekretária estada nia naran hato'o respeita ba Prezidente Kurador FokuPers ninian ho estrutura tomak, adjunta Provedor Direitu Úmanus, reprezenntante husi Embaxada Indonézia no reprezenntante husi Oxfam no Parseiru sira hotu. iha komitmentu no vontade boot serbisu iha area ida ne'e, espesialmente iha area responde no mós prevene violensia hasoru feto ho labarik feto.

"Ami hato'o ami nia apresiasaun bá FokuPers ho ninia parseiru sira suporta FokuPers hodi realiza atividades ida ne'e semináriu no bazar ne'ebé hatudu komitmentu forte tebtebes hanesan prezidente ohin dehan hahu kedas husi 1978 to'o agora ida ne'e signifika katak iha komitmentu no vontade boot serbisu iha area ida ne'e, espesialmente iha area responde no mós prevene violensia hasoru feto ho labarik feto," nia dehan.

Atividades ida ne'e realiza iha ambitu Kampaña durante loron 16 no kontra formas violensia oin-oin hasoru feto no labarik feto. Iha atividade lubuk ida ke la'o lansa ona iha loron 25 fulan Novembru iha fatin-fatin, husi SEI organiza iha Suku Builale ho partisipasaun ne'ebé masimu tebes husi komunidade sira.

Iha Organizasaun lubuk tantu husi Instituisaun Governu nian husi ajensia International sira no familia ONU ninian ho mós parseria hotu no NGO lokál iha atividade lubuk ida.

"Iha SEI ami nia konvite lubuk ida tama barak la halimar maibé sira ne'e hotu ho mós atividades ida ohin ne'e ita espera katak sei kontribui direita bá iha pontu rua prevene violensia hasoru feto no labarik sira no lori ita ba iha serbisu ne'ebé prontu atu responde bá iha sobrevivente sira husi violensia bazeia bá jéneru," nia dehan.

Iha planu asaun nasion kontra violensia hasoru feto no labarik feto hatur iha neeba pilar tolu, maibé pilar ida mak ko'alia kona-ba prevensaun no loron ida ohin atividades ne'e durante Kampaña 16 dias ne'e parte husi atividades ne'ebé Kontribui iha prevensaun ninian.

Espera ho atividades sira ne'ebé lubuk ida iha kontestu prevensaun ninian bele kontribui ba iha mudansa de atitude no mudansa pensamentu ho mudansa ema nia hanoin atu la halo kualker violensia hasoru feto no labarik feto.

"Bá tempu naruk iha pilar Segundu mós ita hatene katak FokuPers dedika nia aan serbisu iha neeba iha area responde ninian bá iha kazu no problema sira selasiona ho violensia hasoru feto," nia dehan.

Ida ne'e sai komitmentu no sai obrigasaun ema hotu-hotu nian nune'e mós Estadu Timor-Leste nafatin firme iha atividade sira no iha prográma sira no polítika Relasiona ho área ida ne'e.

Apresia mós ho feira ne'ebé sei Realiza ida ne'e hanesan kria espasu ba maluk sira espesialmente sobrevivente no atu bele espresa sira nia kreatividade.

"Nune'e mós ho ita kontribuisaun bele kontribui ba rendimentu balun bá iha sira ninia moris familia nian. Ho ita boot sira nia permisaun Ofisialmente deklara katak ita loke semináriu ida ne'e ho mós abertura bá bazar ne'ebé realiza iha fatin ida ne'e," tenik nia.

Entretantu, reprezenntante Oxfam Floren de Oliveira hatete, Enome Oxfam apresia tebes ba konvite ne'ebé dirije bá Oxfam, atu hatete de'it katak implentasaun projetu feto no rai Timor-Leste ho durasaun bá tinan lima ne'ebé hahú husi tinan 2020 to'o 2025. Iha prosesu revizaun iha Oxfam ninia estratejia bá iha tinan 2015 to'o 2020 hatudu katak impaktu limitadu bá iha asuntu jéneru.

No presiza iha nesesidade Dezenvolvimentu abordadu sira no iha rekoinesimentu no foku espesifikamenete bá iha asuntu Igualidade jéneru nian.

Iha 2019 Oxfam Timor-Leste hahú dezeñu prográma foun ida kona-ba hakbiit ekonómia feto Woman Economics in Powermat habadak ba WEI fó rekoinesimentu katak feto sira nia asesu ba rai mak nu'udar era ida ne'ebé feto sira nia empoderamentu bá projetu WEI ne'e rasik.

"Projetu WEI ne'e apoiu finanseiru husi Governu Austrália liu husi NGO koperasaun prográma nian no interligadu ho prográma Kutui ka Projetu feto no rai ne'ebé agora dadaun ita iha ne'e asiste liu husi Projetu feto no rai,

Parseria bá Implentador bá Projetu ne'e rasik maka karik iha reprezenntante balun iha ne'e, ida mak FokuPers rasik, Hakbiit Asosiasaun Chega bá ita karik iha reprezenntante iha ne'e, Rede bá Rai nune'e mós Justisa advokasia no kolabora ho aliadu parseiru Estratéjiku sira seluk," nia dehan.

Objetivu husi projetu ne'e rasik Projetu feto no rai antisipa ona maka feto no grupu sira seluk ne'ebé sira hasoru dadaun marjinalizasaun sei aumenta liu tan sira nia rezilensia no moris di'ak bein estar ajensia bainhira hasoru kolapsu bá iha dezastre klimatika sira.