Husi númeru nee, kompostu husi feto na’in ida no mane na’’in rua.
“Sidadaun feto ida ho idade 53, hela iha Dili no seidauk simu vasina. Sidadaun refere foti amonstra iha HNGV iha loron 10 fevereiru 2022, no iha loron 11 fevereiru 2022, tuku 23:30 hakotu-iis, ho Diagnóstiku final, hanesan, Bronquiectasia, Electrolites imbalance, Pulmonary TB in Continuation+Covid-19 (CT:30,1),”haktuir komunikadu neebé Online INDEPENDENTE, asesu sesta nee (18/02).
Enkuantu, sidadaun mane ida ho idade 78, hela iha Dili no seidauk simu vasina. Sidadaun nee tama izolamentu Lahane iha loron 8 fevereiru 2022 ho DX:Covid-19 (CT 20,6)+TEP, no iha loron 13 fevereiru 2022, tuku 11:25 otl, hakotu iis.
Aleinde, sidadaun mane na’in ida ho idade 58, husi Munisipiu Ermera, tranferensia husi óspital Gleno, no hakotu-iis iha loron 17 fevereiru 2022, tuku 08:12 otl, iha HNGV ho DX: ARDS +PTB+Covid-19+SNC Infecttion CT 34,8. Sidadaun refere simu ona vasina kompletu.
Entretantu, tuir dadus husi Ministeriu Saúde, iha tinan 2021 nia laran, ema neebé mate ho Covid-19 iha na’in 122 no iha fulan fevereiru tinan 2022 hamutuk na’in tolu.
Ho nunee, total ema neebé mate ho Covid-19 hamutuk na’in 125.
