“Númeru kazu detetadu foun 91 ho taxa pozitividade 6,9 no kazu rekuperadu iha na’in 97,”dehan nia iha komunikadu neebé Online INDEPENDENTE, asesu kinta nee.

Nunee, kazu ativu neebé baixa hela iha sala izolamentu hamutuk na’in 1.640.

Ba kazu mate, Ministeriu Saúde relata, sidadaun mane ida neebé simu ona vasina AstraZeneca doze kompletu, hetan pozitivu Covid-19 iha Óspital Gleno, Munisipiu Ermera, hafoin tranporta mai iha Óspital Nasional Guido Valadares (HNGV).

“Nunee, ohin (17/02) pasiente refere hakotu iss iha tuku 08:12 dader, oras Timor-Leste,”haktuir komunikadu refere.

Enkuantu, total komulativu kazu konfirmadu sura husi loron 21 fulan-marsu 2020 too 17 fevereiru 2022 hamutuk 22.138 no óbitu iha na’in 125.

Entretantu, iha oras 24 nia laran, teste PCR neebé Laboratóriu Nasionál Saúde halo iha Dili hamutuk 507, kompostu husi, vijilánsia sentinela na’in 26, rastreiu ba kontaktu 119, rastreiu aleatóriu 338 no viájen internasionál hamutuk 23.

Aleinde, teste PCR ne’ebé halo iha 16 fevereiru iha munisipiu sira seluk, RAEOA no HNGV hamutuk 195.

Haree ba númeru kazu neebé kada loron aumenta, Ministeriu Saúde nafatin apela ba populasaun iha Díli laran no mós iha munisípiu sira seluk, atu aprezenta-an iha fasilidade saúde ne’ebé besik, bainhira sente isin-manas, kakorok moras, inus-ben, ka mear, hodi bele hetan atendimentu husi profisionál saúde sira.

Nunee mós ba populasaun sira iha Timor-Leste laran tomak, maski simu ona vasina, favor respeita nafatin regra ba prevensaun.

Asistente Editor: Saturnina da Costa