Nune’e, bele atua situasaun iha rai laran.

Enkuantu, Governu hasai despaixu hodi forma ekipa konjunta ne’e, tanba haree ba konfrontu ne’ebé akontese liu-liu konfrontu entre joven sira ka individu balun ne’ebé uza organizasaun artemasiál hodi hakanek membru F-FDTL ida, iha Bidau Akadiruhun, segunda horseik (05/09).

Ho nune’e, bainhira la resolve imediata mak, situasaun ne’e sai grave liu tan iha sidade Dili no bele akontese mós iha fatin seluk iha teritoriu nasional.

Nune’e, husi rezolusaun ne’ebé Govenu aprova, iha Konsellu Ministru ho pontu esensial sira mak hanesan, liu husi operasaun patrulamentu iha teritoriu nasional no vijilansia kontrolu espesifikamente ba fatin sira ne’ebé konsideradu sensivel iha sidade Dili, ho motivu atu prevene atuasaun kriminoza husi individu sira ne’ebé kria instabilidade sosial.

Entretantu, despaxu ne’e tama ona iha vigor no sei termina iha loron 13 fulan-Setembru tinan 2022. Maibé iha posibilidade sei renova depende ba situasaun.