Koordenador Gabinete ba Avaliasaun no Dezenvolvimentu Kurikular João Mau Pelo hatete, kalendariu ba ezame nasionál ne’e fiksu ona, tanba kumpri nafatin ba kalendariu Ministeriu Edukasaun nian.
“Ita hahú ona elebora, verifika ba Pontus sira no halo validasaun ba pontus, agora tama ona ba faze impresaun Pontus ba ezame nasionál ne’ebé dadaun ne’e lao ona, ita hein katak, ita sei impreme hotu iha 13 Outubru, depois imprime hotu, ita sei distribui, no iha loron 16 Outubru sei realiza ezame nasionál,” dehan Kordenador Gabineti iha Salaun Delta Nova Kinta (14/09).
Kordenador afirma, material ne'ebé sei uza iha ezame nasional, ensinu baziku iha materia matematika, siensia naturais, istoria, portugués, ingles no tetun. Ba Ensinu sekundariu Jeral (ESJ) iha material hitu, hanesan Portugués, ingles, matematika, fizika, biolojia, kimika no tetun.
Ba Eskola Teknika Vokasional iha materia ualo hanesan, siensia sosial ba humanidade, Portugués, Inglés, ekonomia, istoria, jeografia, sosiolojia no tetun.
