Dekanu fakuldade Siensia Sosias no Pólitika UNTL, Alarico da Costa Ximenes husu ba judisiariu atu responsabilidade máximu ba titulu foun ne’ebé hetan ona iha nível edukasaun nian, tanba titulu ne’ebé hetan la’os atu halo kontente nian.
Maibé atu responsabiliza, durante nakonu ho dezafiu tan ne’e siensia no koñesimentu ne’ebé sira hetan iha banku universidade tenki kontribui ba iha dezenvolvimentu nasional iha Timor-Leste.
“Titulu ne’ebé ohin sira hetan ne’e la’os atu gaba-aan maibé ne’e hanesan responsabilidade ida sira ne’ebé kontenti maibé responsabilidade ne’ebé nakonu ho dezafiu, dezefiu mak foin hahú ohin ne’e ba sira, no ita husu ba sira siensia no koñesimentu ne’ebé sira hetan, sira bele kontribui diak ba dezenvolvimentu nasionál Timor-Leste,” dehan Dekanu ba Jornalista Iha Salaun delta Nova, Kinta (06/06).
Dekanu fakuldade hatutan, ba judisiáriu sira estuda no aprende la indéntiku ho eskola tanba iha realidade mós ema mós bele estuda, hanesan kriatura iha potensiál oioin tan ne’e husu atu dezenvolve netik maske kiikoan.
Sai privadu ne’ebé atu espalla benefísiu husi siénsia ba ema hotu, tanba sira ne’ebé diak mak fó benifisiu ba familia, komunidade, estadu nasaun no ema seluk iha ne’ebé de’it liuliu ba dezenvolvimentu nasaun nia iha futuru.
“Ne’ebé nunka para aprende no estuda, ita moris nunka para fó lisaun nunka para mai ita, sei prova to’o iha ne’ebé Juridisiariu sira nia integridade to’o iha pontu ne’ebé ideia no konhesimentu ne’ebé utíl tanba ohin judisiariu simu ona responsabilidade ida ne’e,” Dekanu hato’o.
Judisiariu husi Departamentu Komuniksaun Sosial-UNTL, Januario José Varela, hatete, faze judisium faze ida ikus ba iha estudu licensiatura nian, tan ne’e nia parte sei reponsável ba iha titulu ne’ebé nia hetan maske la barak maibé natón atu responsavel ba iha susesu ne’ebé hetan.
“ita iha abilidade kada individu nia atu kontribui ba dezenvolvimentu ita iha maneira oioin ne’ebé mak tuir ita kbiit no forsa ne’ebé atu kontribui ba dezenvolvimentutanba ne’e mak ho susuesu ida ne’e hau garante katak bele transforma ba iha kualkér matéria no asaun ne’ebé hau bele,” katak Judisiariu.
Nune’e, nia parte mós senti kontente ho eventu ne’e tanba ida ne’e ba dala uluk akontese iha nia prosesu moris, maske iha estudu ne’e ho kbiit natón hodi suporta nia-moris ba oin ninia.
Tan ne’e, nia parte hato’o agradese wain ba familia sira ne’ebé durante ne’e suporta ona nia iha prosesu estudu tomak tanba liu husi sira nia esforsu oioin maka ohin loron nia bele hate susesu ne’e.
“Ba familia ha’u agradese wain tebes ba sira ne’ebé durante suporta ona haut anba liu husi suporta ida ne’e mak to’o ohin loron ha’u mos bele mai marka prezensa iha eventu judisium ida ne’e tanba ne’e ha’u agradese tebes ba familia sira nia esforsu tanba familia sira mak sai ai-mahon iha ba ha’u nia prosesu estudu to’o ohin loron konsege ultrapasa faze ida ensinu superior nian,” nia espresa.
Enkuantu, judisiariu ne’ebé partipisa iha aktividade judisium ne’e hamutuk 200 ne’ebé kompostu husi feto 112 no mane 80.
Ne’ebé Mai Husi Departementu 7 Hanesan, Departamentu Administrasaun Públika Jurudisiariu Hamutuk 21, Siensia Politika na’in 24, Komunikasaun Sosial na’in 57, Dezenvolvimentu Komunitáriu na’in 12, Inkluzaun Komunitáriu no Sosial na’in Rua (2), Politikas Publikas Na’in 35, Relasaun Internasionais na’in 59.
