Iha loron da-haat, Xefe Casa Civil, Espoza Prezidente Repúblika apoiu nesesidade bázika ba família afetada inundasaun ne’ebé hela hamutuk iha Igreja Balide, BTN I Tasi Tolu, 30 agostu-Comoro, Fatuhada, Lahane no Caicoli.

“Prezidente Repúblika hato’o komprimentus no hakuak boot ba ita-boot sira hotu, ita hatene katak situasaun ida La’os ita hotu nia hakarak, dezastre naturais ne’e akontese, maibé ita-ema tenke haree malu nafatin, ita malu tenke tulun malu. Iha nasaun barak ema riku tulun ema kiak, mais iha ita-nia rain ema kiak mak tenke tulun malu, ita kiak maibé labele lakon ita-nia responsabilidade para tulun malu,”Xefe Casa Civil, dehan, liuhusi komunikadu ne’ebé online Independente asesu.

Xefe Casa Civil dehan, Prezidente Repúblika la fo apoiu barak, maibé uitoan hodi hakmaan komunidade afetada sira todan.

Espoza Prezidente Repúblika, dehan presiza lolo-liman ba malu iha tempu ida agora, tanba dezastre naturais kuaze akontese iha kapital Dili no Munisipiu, estraga sasan barak no hamate mos ema 42. Tanba ne’e ho prezensa ba komunidade afetada hodi fo korajen nafatin hodi forte liutan nuudar povu Timor-Leste.

“Ohin kontinua hala’o vizita hodi apoiu naton ba ita-nia komunidade sira atu augenta sira nia nesesidade ba oin.

Iha vizita bainhira identifika hetan komunidade afetada ne’ebé mak presiza tulun sasan dapur no toba nian. Prezidénsia Repúblika responde kedas ba família ne’ebé nia sasan mota lori ka raitaka.

“Agora fatin sira ami ba, sasan hanesan biti no manta laiha. Hanesan horsehik ami ba Hera (Kinta-feira)  iha uma-kain lubuk ida laiha ropa, laiha sana no ropa interior, ami nia ekipa hodi fila ba hodi atende sira,” Espoza dehan.

“Agora ita nia governu servisu maka’as hela foti dadus ba sasan sira ne’ebé hetan estragus, ema ne’ebé mate mak ita labele troka, ne’e ita intrega ba na’i maromak. Importante ita ne’ebé moris ita lolo-liman ba malu.” Espoza, dehan.

Responsabel iha paroquia Balide, Ireneu Dias agradese tebes ba vizita espoza Xefe Estadu noa Chefe Casa Civil nia prezensa tanba bele fó korajen no motiva refujiadus sira.

Iha paroquia Balide totál uma ka’in 22, husi númeru ne’e iha uma kain tolu mak mota estraga totál. Alende ne’e iha Balide, labarik sira hetan apoiu hakerek, lee no pinta husi fasilitador balu.

Purtantu iha Taşı Tolu BTN I, komunidade afetada matanben nakonu hodi hatoo inundasaun ne’ebé afeta ba sira iha Lagoa. Sira agradese tebes tanba bele vizita ona sira hodi haree kondisaun.

“Ami presiza sana, taxu, biti no kulsaun ruma para ba inan isin rua no bebee hodi toba,”

Necessidade ne’ebé apoiu hanesan, iha Paroquia Balide: Fos sakas 40, Mina kaisa 10, Energen 10, Indomilk-jus 20, Masin kaisas 5, Sabaun kaisas 10, Pastadente no eskova 10, Manta- Biti 80, Daia 10, Supermi dos 2. Iha aldeia 30 agostu; Fos sakas 22, Mina kaisa 10, Energen kaixa 10,Jus no Indomilk 34, Masin kaisa 4, Sabaun kaisas 10, Pastadente no eskoba 10, Manta-biti 80, Daia 20, Xa 2, Biskuit 10. Iha Bairo Fatuhada: Fos sakas 30, Mina kaisa 10, Energen 10, Indomilk 15, Masin kaisas 4, Sabaun kaisas 10, Pastadente no eskova 10, Manta-Biti 40, Daia kaixa 10, jus 10 no xa kaixa 2. Iha BTN I-Tasi Tolu:  fos saka 25, mina kaixa 5, energen 10, indomilk-jus 20, masin kaixa 2, sabaun kaixa 5, pastadente nieskova 10, manta-biti 80 no data 10. Iha Lahane fos saka 27, supermie 27, Mina kaixa 5, sabaun kaixa 5, eskoba no pastadente kaixa 10, jus no seluktan. Iha aldeia 01 Caicoli: fos saka 11, mina kaxig 11, supermie kaixa 11, Daia kaixa 11, sabaun kaixa 11 susuben no indomilk kaixa 10.