Eskola Públika Iha Díli Presiza Tan Profesor Na'in 364

Novembru 25, 2024

Nasional

Eskola Públika Iha Díli Presiza Tan Profesor Na'in 364 ^Featured

By Ivonia Varela Janeiru 26, 2024 3645

Diretór Servisu Edukasaun Munisipiu Dili, Foto:INDEPENDENTE/Ivonia. Carlito Soares

DILI: Tinan 2024, Servisu Edukasaun Munispiu Dili (SEMD) presiza tan profesór hamutuk na'in 364 atu halo kompleta profesór sira seluk hodi hanorin eskola públika sira iha Munispiu Dili.

Diretór SEMD, Carlito Soares hatete, eskola púlika sira iha Munispiu Dili presija tan profesor 364 hodi bele halo komplet tan profesor sira seluk atu hanorin iha eskola públika sira iha Munispiu Dili maibé ne'e la inklui pedidu husi eskola sira.

Nia dehan, eskola sira Ensinu Pre-Eskolar (EPE), Ensinu Bázsiku (EB), Ensinu Sekundariu Jeral (ESJ) inklu Ensinu Sekundáriu Teknika Vokasional (ESTV).
“Iha Dili ami presiza profesor atu halo kompleta iha eskola sira nee hamutuk 364,” dehan Diretór Carlito Soares ba Jornalista sira iha nia knaar fatin, Kinta (25/01).

Diretór dehan, nune'e mós dadus ne'e eskola sira halo pedidu hodi husu profesores ba edukasaun Munisípiu Dili hamutuk 360.

Enkuantu, eskola Públika iha Munispiu Dili inklui Atauro hamutuk 93 neebé kompostu husi pre-eskolar 20, ensinu sekundariu 18 no ensinu baziku 55.

Rate this item

(0 votes)