“Ema ho Defisiensia na’in 951 hetan ona Bolsa da Mãe husi Governu liu husi Ministeriu Solidariedade Sosial no Inkluzaun,” dehan nia iha knar fatin (26/02).
Nia esplika, tipu Ema ho Defisiensia sira ne’ebé hetan ona Bolsa da Mãe mak hanesan, Defisiensia Fiziku hamutuk feto na’in 146 no mane 139, Defisiensia Mental hamutuk feto na’in 36 no mane 20, Defisiensia Fiziku (liman-ain laiha) hamutuk feto na’in 3 no mane 5, Defisiensia Mental (hanoin) hamutuk feto 7 no mane 5, Defisiensia iha moris hotu hamutuk feto 3 no mane 3, Defisiensia tilun no Mudo hamutuk feto 8 no mane 8, Defisiensia Matan (labele haré) hamutuk feto 11 no mane 18, Defisiensia Matan (haré la mós) hamutuk feto 140 no mane 143, Defisiensia Tilun (diuk) hamutuk feto 132 no mane 124.
Molok ne’e, Ministra Solidariedade Sosial no Inkluzaun (MSSI), Armanda Berta husu ba Governu Australia atu oinsa fó apoiu MSSI ba Reforma Bolsa da Mãe ba jerasaun foun atu nune’e bele reduz pobreza iha Timor-Leste.
“Ministeriu Solidariedade Sosial no Inkluzaun sei hetan apoiu husi governu Australia liu husi apoiu tekniku no finansas, tanba agora dadauk MSSI esforsu makas hodi prepara atu kontinua realiza Bolsa da Mãe ba jerasaun iha Timor-Leste,”dehan nia bainhira inkontru ho Governu Australia liu husi Konseleiru Dezenvolvimentu Humana iha MSSI, Kaikoli (22/02).
Iha fatin hanesan, Governu Australia liu husi Konseleiru Dezenvolvimentu Humanu, Carli Shillito hatete, Governu Australia iha komitementu bo’ot atu kontinua fó apoiu ba Timor-Leste hodi asegura preparasaun Bolsa da Mãe ba “Jerasaun foun” hodi fó benefisiu ba feto no labarik vulneravel.
