Porta Voz Sentru Integradu Jestaun Krize (SIJK) Doutora Odete Viegas da Silva hatete, semana dahuluk ekipa vizilansia sentinela hasai amostra iha munisipiu sira kona-ba pasiente sira ne’ebé dezenvolve sintomas infesan respiratória aguda sai suspeitu ba Covid-19.
“Total amostra ne’ebé ekipa vizilansia sentinela rekolla maka husi Bobonaro 13, Kovalima 13, Ermera 10, Lautem 18, Likisa 56, Manatutu 20,”dehan nia liuhusi konferensia imprensa iha CCD, ohin.
Nia hatutan, amostra husi Ospital Referal sira maka hanesan Maliana 13, Baukau 24, Suai 17. Tanba ne’e total husi sentru saúde sira hamutuk 186 no husi ospital referal sira hamutuk 54. Husi sentru saúde sira ne’e nia rezultadu balun mai ona hatudu negative hamutuk 46.
Nia mós informa, prosesu mitigasaun ne’ebé ekipa konjunta forsa tarefa halo ne’e hetan apoiu maximu no koordena mós ho prezidente autoridade munisipais sira, lideres komunitáriu sira, bo partisipasaun husi komandu PNTL no F-FDTL.
