Ba jornalista sira, iha loron 27 fulan maiu tinan ne’e, Diretór Eskola Báziku Central Calcuc António Bersior Sarmento hatete edifisiu ne’ebé harii husi komunidade durante tinan naruk ona no kondisaun mós aat ona.
Tanba ne’e husu ba Ministeriu Edukasaun liu husi servisu edukasaun Munispiu Manufahi atu rehabilita ona edifisiu eskola refere.
“relasiona ho kondisaun eskola ami iha edifísiu ida ne’ebé mak ajuda husi komunidade husi Xefe suku anteriór, tanba ida ne’e mak husu ma ministériu atu tau matan liliu iha munisípiu atu rekomenda ba nasionál para atu haree ami-nia sala aula ida ne’ebé mak didin ho piku durante tinan naruk ona,” dehan Diretór iha nia knaar fatin Clacuc, Segunda (27/05).
Iha biban ne’e, diretór eskola mós husu ba Ministeriu Saúde atu apoiu meza no kadeira foun ba eskola refere tanba, meza kadeira ne’ebé dadaun eskola uza kle’ur ona.
Nia dehan, tanba tuir kurikulum katak tenki fahe estudante sira ba grupu maibé ho kondisaun meza kadeira nian sira labele forma grupu.
“desde tinan hira ba kotuk ita seidauk hetan meza no kadeira foun ruma tanba ita mós katak parte Edukasaun Munisípiu atu rekomenda ba parte nasionál hodi tau konsiderasaun para oinsa bele hasa’e kualidade, tanba tuir planu ka kuríkulu ne’ebé ita iha atu forma alunus ba grupu maibé na realidade iha eskola refere nia meza no kadeira nafatin hanesan antigamente,” dehan Diretór.
EntertantuEBC Calcuc lokaliza iha Suku Caicassa Postu Administrativu Fatu-Berliu Munisipiu Manufahi, ho nia totál estudante hamutuk 360. Total sala de aula hamutuk 15, no kada sala de aula akumula estudante 20 to’o 30.