Diretor Prizaun Bekora, João Domingos hatete, hahú husi 23 Marsu 2020 to’o 15 Maiu 2020, dadur ne’ebé hetan liberdade hamutuk na’in 26,
Nia dehan, prizioneiru na’in 26 ne’e la tama ba iha prosesu indultu maibé sira ne’e prosesu babain tanba sira kumpre ona sira -nia komprimentu pena tan ne’e tribunál fó liberdade kondisional.
Aleinde prizioneiru balun hetan liberdade, nia dehan, prizaun mós simu prizioneiru foun hamutuk na’in 15.
Entretantu, kona-ba númeru prizioneiru iha prizaun Bekora, Diretór ne’e informa, daudauk ne’e iha prizioneiru hamutuk na’in 591.
