Nia dehan, aviaun rua mai husi Denpasar, Indonezia, no aviaun ida seluk mai husi Singapura.
"Aban, Domingu, aviaun tolu mak sei tama tan, rua husi Denpasar no ida husi Singapura," informa Armando iha Aeroportu Nicolau Lobato Komoro, Sábadu (28/03).
Maske nune'e, Komandante ne'e la informa Timor-oan na'in hira mak sei mai ho aviaun refere.
Nia dehan de'it katak, PNTL sei fó seguransa masimu ba pasajeiru sira ne’e hodi transporta ba iha fatin kuarentena.
Entretantu, iha Sabadu (28/03), Timor-oan na'in 59 ne'ebé durante ne'e hala'o serbisu iha Australia, to'o ona iha Timor-Leste.
Timor-oan hirak ne'e mai ho aviaun Air North
Hafoin tuun iha Aeroportu Komoro, polisia transporta kedan sira ba fatin kuarentena ne'ebé governu prepara ona.
"Pasajeiru sira ne’e na’in 40 sei kuarentena iha D’City Hotel Vilaverde no na’in 19 sei karantina iha Hotel Novo Horizonte Metiaut durante loron 14 hodi halo observasaun ba sira-nia saúde,” informa Komandante PNTL Dili.
