Nia dehan, traballadór ne’e ho naran kompletu, Francisco da Costa Gonçalves, husi Postu Administrativu Maubara Munisipiu Likisa, ne’ebé hala’o ona servisu iha Korea Súl durante fulan hitu nia lakon vida iha loron 17 fulan-Setembru 2023.
“Traballadór timoroan ne'ebé mate iha Korea, dadaun ne'e nia mate isin iha ona iha Singapura no sei to’o iha Timor-Leste, iha domingo (08/10), iha tuku 07:00 dader, iha Aeroportu Internasional Nikolau Lobato, Komoro”, dehan nia iha Edifisiu SEFOPE Kaikoli, sesta ne’e (06/10).
Kona ba kronolojia akontesementu ba traballadór ne’e, Xefe Gabinete haktuir, Governu Timor-Leste entrega ba parte estadu Korea no Polisia Korea mak halo investigasaun ba akontesementu refere.
Tanba ne’e, fiar katak bainhira entrega ona mate isin dokumentus hotu-hotu sira bele entrega hotu.
Nia afirma, tuir informasaun ne'ebé sira simu husi adidu Timor iha Korea katak traballadór refere mate iha servisu fatin.
Entretantu, traballadór refere hala’o servisu iha Korea Súl durante fulan hitu, to’o nia hakotu vida iha nasaun refere.
