“Ekipa Previzaun Tempu husi MTC-DNMG hakarak informa ba publiku katak kondisaun atmosfera agora dadauk observa hela kalohan taka iha kuaze territoriu nasional,”.
Nune’e, atensaun espesial ba udan ho nia intensidade husi moderadu ba forte no lokamente forte liu kuaze iha teritoriu nasional liliu iha kosta súl.
“Bainhira Udan, anin boot no rai lakan, husu ba populasaun sira atu hadook a’an husi fatin risku sira no buka hela iha fatin ne'ebe seguru.
Kazu emerjênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne'ebe besik,”dehan komunikadu ne’ebé Online INDEPENDENTE sita, tersa ne’e (18/02/25).
Tanba ne’e, instabilidade atmosfera ne’e akontese, tanba agora dadaun monsaun azia ne'ebe iha faze ativa hela ho la nina ativa ho 82%, estabelesimentu no diferensa presaun iha Tasi India no Pasifiku, ho nune Kauza kondisaun atmosfera instavel hodi favorese udan ho intensidade moderadu ba forte no lokalmente forte liu.
Aliende, kondisaun anin ho laloran tasi prinsipalmente iha rejiaun kosteira kondisaun anin hu’u ho velosidade husi moderadu ba forte (16=20 km/h) no lokalmente forte liu (>25 km/h) liu-liu ba munisipiu sira hanesan, Likísa, Atauru, Baukau, Manatutu, Manufahi, Vikeke no Lautem.
