Rogeiro Castro da Cruz, Koordenador Komisaun Organizadora Dezlutu Saudozu Max Stahl hatete, ekipa mai hasoru Ministru Prezidensia Konsellu Ministru (MPKM), Fidelis Manuel Leite Magalhaes, atu informa preparativus ba dezlutu Saudozu Max Stahl nian ne'ebé sei realiza iha loron 27 to'o 28 Outubru.
Nia dehan, iha serimonia ida foku liu ba dezlutu Saudozu Max Stahl nian no mós sei halo inagurasaun ba saudozu nia rate no kampa ne'ebé daudaun ne'e halo hela atinje ona pursentu (95%).
"Depois ho planu programa ne'ebé ami sei hala'o katak iha loron 27 sei halo seminariu ida, aumezmu tempu tinan ne'e mós tanba iha dezlutu ita tenke husu Governu hamutuk ho Governu para depois hodi halo inagurasaun nia rate kampa ne'ebé oras ne'e lao hela atinje 95%," dehan nia, iha Palasiu Governu, Sesta (12/8).
Nia hatutan, planu tinan ne'e komisaun organizadora fokus liu ba deskutu Saudozu Max Stahl ninian, aumesmu tempu iha loron 28 fulan Outubru ne'e tanba iha Saudozu Sebastiao Gomes entaun loron ida ne'ebé hanesan sira rua nia mate data ida de'it diferensa mak iha tinan.
Komisaun tenke serbisu hamutuk ho Sekretariu Estadu Juventude Desportu (SEJD) para tau kalendariu ne'ebé fiksu ba futuru mai karik loron saudozu na'in rua nian ne'e bele hala'o atividade dala ida de'it.
Enkuantu, Kona-ba Saudozu Sebastiao Gomes ninian liga mós ho nia família sira nia kondisaun no mós Max Stahl nian, tanba Komisaun organizadora sei iha Komite 12 Novembru ho mós iha CAMSTL.
"Planu programa sira ne'ebé iha prontu ita ezize nafatin Governu para bele tau nafatin konsiderasaun, ida ne'e mak importante, tanba sira sofrementu ba rai ida ne'e tenke konsidera mós ba sira, ita iha planu ita iha programa ita fo hanoin hela ha'u fi'ar katak Governu sei laiha buat ida ke hotu-hotu maibe prosesu la’o neneik tenke to'o rezultadu ne'ebé iha," dehan nia.
Resposta husi Ministru Prezidensia Konsellu Ministru, Fidelis Manuel Leite Magalhaes, nia sei halo koordenasaun ho entre liña ministerial, nune'e hodi apoia komisaun organizadora iha eventu ne'e.
"Ami hato'o hela, Ministru Prezidensia Konsellu Ministru sei halo lina kontaktu ka koordenasaun ho Maklan sira Lina Ministerial para hodi apoia Komisaun organizadora Ida ne'e importante," tenik nia.
