Nia hatutan, tuir lolos Xefe Aldeia no Xefe Suku sira tenki kontrola no fó hanoin ba komunidade sira atu labele sunu rai no tesi ai arbiru. Ida ne’e mós kauza ida hodi hamosu dezastre naturais, ne’ebé kada tinan sempre akontese.
"Ita ema mak sala, sunu rai arbiru, ita lakoi kuda ai-oan atu proteje hodi labele akontese dezastre naturais, maibé ita mak kontinua sunu rai, entaun ita mós kontribui ba erosaun," dehan nia ba Jornalista hafoin partisipa iha serimonia sensibilizasaun moras HIV/SIDA ba komunidade sira, iha Suku Kamea, tersa ne’e (16/08).
Tanba ne’e, autoridade sira apela ba komunidade, atu labele sunu no tesi ai arbiru no mós parte autoridade, nafatin halo sosializasaun ba komunidade sira atu evita hahalok sira ne’e.
