Ministra Saúde, Odete Maria Freitas Belo hateten apoiu ne’e CARE Internasionál oferese tanba Covid-19 seidauk hotu no sei iha komunidade nia leet.

“Sei iha ita nia leet, prontu ita nia parseiru sira konsidera  kazu  ne’e sei hamutuk ho ita iha ne’e entaun sira apoiu,” Odete hateten hafoin serimonia termu entrega ekipamentus iha salaun Palásiu das Cinzas, Sesta (12/08/2022).

Ekipamentus ne’ebé  CARE apoiu mak hanesan, Laptop lima, Printer rua, megaphone-toa ne’en, Solar cell ne’en, projector rua, Screen projector rua, hangan keids ho máskara.

Sasan sira ne’e la’ós ba iha Minstériu Saúde de’it maibé tau iha armajén, bainhira instituisaun ne’ebé presiza hodi fo ba sira.

Kona-bá hand sanitizer kids ne’e haree liu ba inan isin rua sira, nune’e mós ba solar cell  bainhira sentru saude no postu saude sira presiza fó ba sira atu utiliza.  

Iha fatin hanesan, Reprezentante CARE Internasiona iha Timor-Leste Peter Goodfellow hateten CARE kontinua prontu atu apoia Ministériu Saúdehodi prevene surtu  Covid-19 iha Timor-Leste.

CARE hanesan Organizasaun Internsional iha Timor-Leste ne’ebé kombate ba sosial inklui fó Importansia tebes ba sude seksuál iha área rurál.