Tipo husi dezastre naturais ne'e mak ahi-han uma lima (5) no anin boot estrgus uma ida.
Diretor Gabineti Relasaun Externa no Komunikasaun ( DGREK), Anacleto Caitano hatete, total dadus ne'ebé APC simu husi Sentru Nasionál operasaun APC hamutuk uma-kain neen (6), kompostu husi ahi han iha uma lima no anin boot estragus ida, sira ne’e hotu husi Minisiupiu haat (4)," dehan nia liu husi konferensia imprensa iha Edifisiu SEPS Kaikoli, Segunda (30/01).
Nia Esplika, Munisipiu Baukau ahi-han uma tolu (3), RAEOA ahi-han (1), Ermera, anin sobu uma ida (1) no kovalima Rai halai estragus uma ida (1).
Enkuatu, Uma-kain neen ne'ebé sai vítima ba dezastre naturais iha semana kotuk, APC fó ona apoiu emerjensia hanesa aihan no material emerjensia hanesan lona no sasan sira seluk ne'ebé bele ajuda labarik kikoan no inan isin rua nian.
Nia informa katak, dadus ne'e provizoriu de'it, tanba iha munisipiu balun sei halo levantamentu dadus, bainhira dadus to'o ona mak APC bele fó apoiu.
Nune'e mós APC nafatin apela ba populasaun tomak katak dezastre mosu mai ema la espera, atu udan ka la udan dezastre sempre akontese.
"Dezastre ida ema mak halo no ida natureza mak halo, tanba ne'e nafatin kuida ita nia an, ita nia rikusoin no uma, liliu ba sira ne'ebé hela iha foho leten, mota nini no tasi ibun," tenik nia.
Entertantu, dadus dezastre naturais ne'ebé akontese durante fulan Janeiru nia laran mak total hamutuk 399 mak hanesan anin-boot estragus uma hamutuk 375, rai halai estragus uma 8, ahi-han uma 16, Ema na’in rua mate rezulta husi mota lori no rai lakan.
