Kazu ne'e Ministériu Públiku no Tribunál Distritál Dili foti ona desizaun hodi husu Mário Nunes atu entrega fali bebé ba nia família hodi garante nia vida moris liuliu inan bele fó susu ba bebé

 “Pozisaun Ministériu Públiku no Tribunál nian ne’ebé deside entrega bebé ba nia família sira ne’e desizaun Tribunál nian loos no justu,”dehan nia hafoin hasoru malu ho Xefe Estadu Francisco Guterres Lú Olo iha palasiu Prezidensiál Bairru-Pité-Dili, horisehik.

Tuir loloos, Nia dehan Mário Nunes ne’ebé hetan bebé ne’e tenke keixa uluk ba Polisia atu labele hamosu problema hadau malu bebé entre família Mário Nunes no Família IP.

“Ita imajina de’it bainhira bebé ne’e mate depois ema ne’e hetan nia tenke informa uluk ba polisia,” dehan nia.

Tanba ne’e, PJR dehan ba kazu soe bebé ne’e hanesan mós bainhira hetan tiha bebé tenke informa ba polisia atu informa fali ba MP atu prosesa.

Desizaun ne’ebé tribunál foti ne’e bebé ne’e la’ós entrega ba ninia inan, maibé entrega ba família sira hodi hein prosesu tuir mai.