Deputadu ne'e dehan, maske kazu pozitivu Covid-19 kontinua aumenta, maibé mediku sira konsege kura ona pasiente ida, tan ne'e presiza lori sai atu nia bele fahe ninia esperensia.

"Nusa mak governu la lori sai ba pasiente ida ne’ebé mak kuradu ona ne’e par atu nune’e esplika ba komunidade durante nia esperensia hasoru corona virus ne’e. Tanba haree fatin barak ema ne’ebé di'ak temi sai nia naran atu nune’e ema bele husu esperensia ruma husi pasiente ne’ebé durante ne’e pozitivu Covid-19 ne’e," dehan deputadu ne'e.

Iha fatin hanesan, deputadu Bankada KHUNTO, Antonio Verdial  aseita mós ho ideia husi deputadu CNRT.

Tuir nia, presiza fasilita ema ne'ebé rekopera ona hodi bele fahe ninia esperensia durante halo tratamentu.

“Favor boot ida governu tenke husu nia esperensia atu nune’e nia bele deklara sai kazu durante nia hasoru, atu nia kolia 'ha'u di'ak tanba hanesan ne’e', labele loron-loron povu ne’e tuur iha uma  nonton de'it doutor ida mai esplika covid ne’e hanesan, mais ema sira moras ne’e ita rasik la hatene hela iha ne’ebé, saida mak nia hasoru, nia halo ona saida, governu halo ona saida, ida ne’e importante,” dehan nia.