Deputada Fernanda Lay Sai Feto Dahuluk Lidera Segundu Órgaun Featured

By Ekipa INDEPENDENTE Juñu 22, 2023 548
Prezidente Parlamentu Nasional, Maria Fernanda Lay. Foto:INDEPENDENTE/Juliao. Prezidente Parlamentu Nasional, Maria Fernanda Lay. Foto:INDEPENDENTE/Juliao.

DILI: Deputada Bankada CNRT, Maria Fernanda Lay sai feto dahuluk ne’ebé hetan konfiansa husi bankada parlamentár hodi lidera segundu Órgaun soberania  iha VI lejislatura ba  períodu 2023-2028.

Tuir leitura husi Meza-Parlamentu Nasionál katak iha loron 21 junu 2023,  tuku 10 oras Timor-Leste husi Bankada CNRT no PD hanesan  lista uniku. Ho nune’e deside hakat ba eleisaun Prezidente Parlamentu nasionál, liu husi sekreta ho prezensa deputadu 65.

Prezidente Parlamentu Nasionál, Aniceto Longuinhos Guterres Lopes fó-sai rezultadu eleisaun  a-favor 45, abstensaun 19 no branku ida.

“Ho nune’e rezultadu mak ne’e, Maria Fernanda Lay eleita ba Prezidente Parlamentu Nasionál, Primeira mulher timorense eleita nuudar Prezidente Nasionál, titular orgaun soberania,”Deklara Prezidente PN sesante, Aniceto Longuinhos, iha Parlamentu Nasionál, Kinta (22/6).

Deputadu Aniceto dehan, tanba ne’e parabens ba Prezidente Parlamentu nasionál foun, Deputada Maria Fernada Lay, parabens ba feto Timor-Leste no parabens ba povu Timor-Leste tomak.

“Tanba ne’e orsida tranferensia meza parlamentu nasionál, simbolikamente hau entrega deit mapa  ida ne’e, iha laran ne’e, ajenda ne’ebé kontinua dirije ne’e. konvida kedas Prezidente Parlamentu nasional foun Deputada Maria Fernanda Lay, mai iha meza soberana atu simu tranferensia meza parlamentu nasionál,” nia informa.

Iha fatin hanesan, Prezidente Parlamentu Nasionál Eleitu, Maria Fernanda Lay hatete, pioneira  ba emasipasaun feto nian Primeira Prezidente Parlamentu nasionál feto.

“Ida ne’e hau hanoin enkoraja hau nia maluk feto sira katak feto mos bele ukun, maibé  hau foin mak inisia hau nia mandatu, hau espera katak iha apoiu tomak husi hau nia feto maluk sira, deputadas no deputadus atu hau bele hala’o hau nia mandatu,” nia afirma.

Rate this item
(0 votes)

Independente Digital TV