“Ema na’in 61 maka sei hein rezultadu laboratóriu, kazu konfirmadu mantein 24, ema na’in 21 maka rekuperadu ona,”dehan nia liuhusi konferensia imprensa iha CCD, ohin.

Nia informa, ema ne’ebé agora dadaun baixa iha fatin izolamentu Sentru Saúde Vera Cruz sei iha na’in hitu (7). Total professionál saúde iha kuerentena mantein 40. Total ema ne’ebé iha kuerentena obrigatóriu hamutuk 123 kompostu husi Dili 89 no iha munisipiu 34 no ema ne’ebé halo auto karantina iha munisipiu hamutuk 32.

Total ema ne’ebé passa ona loron 14 iha kuarentena hamutuk 2.077 kompostu husi Dili 1.639 no iha munisipiu 438.

Husu ba komunidade atu kumpri nafatin protokolu husi Organizsaun Mundial Saúde (OMS) nian kuidadu nafatin ijiene pessoal fase liman bebeik mantein distansiamentu sosial nomós distansiamentu fíziku.

Hakmatek iha uma kuandu la iha nesesidade ne’ebé importante iha li’ur. Sai ba li’ur tenke uza maskara.

Nia mós informa, bainhira iha sintomas infesaun respiratória aguda (IRA/ISPA) hanesan isin manas, kakorok moras, me’ar, inus-been, ruin kiik- bo’ot siin halo favor ba konsulta iha sentru saúde ka ospital sira. Se lakohi atu hetan moras Covid-19 ne’ebé gravé ka krítiku halo hapara fuma sigaru no hemu tua.