“Agora dadaun sei iha fatin izolamentu Vera Cruz na’in hitu maka sei baixa iha ne’eba,”dehan nia liuhusi konferensia imprensa, iha CCD, ohin.

Nia informa, dadus ohin nian ema ne’ebé maka halo teste laboratóriu hamutuk 738, total rezultadu laboratóriu negativu hamutuk 622. Ema ne’ebé hein rezultadu laboratóriu hamutuk 92. Ema ne’ebé sei iha konfinamentu hamutuk 173 kompostu husi Dili 89 no iha munisipiu 38, ema ne’ebé halo auto karantina hamutuk 46 iha munisipiu sira. Professional Saúde sira ne’ebé halo kuerentena hamutuk 21.

Total ema ne’ebé sai ona husi karantina 2059 kompostu husi Dili 1639 no iha munisipiu 420.

Husu ba komunidade atu kumpri nafatin protokolu husi Organizsaun Mundial Saúde (OMS) nian kuidadu nafatin ijiene pessoal fase liman bebeik mantein distansiamentu sosial nomós distansiamentu fíziku. Hakmatek iha uma kuandu la iha nesesidade ne’ebé importante iha li’ur. Sai ba li’ur tenke uza maskara.

Nia mós informa katak wainhira iha sintomas infesaun respiratória aguda (IRA/ISPA) hanesan isin manas, kakorok moras, me’ar, inus-been, ruin kiik- bo’ot siin halo favor ba konsulta iha sentru saúde ka ospitál sira. Se lakohi atu hetan moras Covid-19 ne’ebé grave ka krítiku atu hapara fuma sigaru no hemu tua.