Komisaria Komisaun Direitu Labarik, Dinorah Granadeiru hatete, hahú husi tinan 2020 to’o 2021 Governu la komemora loron mundial direitu labarik tanba situasaun Covid-19, maibé kontinua anima no distribui prezenti ba labarik sira iha sentru amijavel Hera no Ospital militar Lahane, eskola 4 de Setembru Balide.

“Iha Tinan 2020 mai to’o 2021 ne’e ita la halo selebrasaun tanba situasaun Covid-19, atividade ne’ebé ita halo hodi kontinua fó hanoin hanesan parte ida advokasia direitu labarik nia mak ita halo vizita sentu amijavel tolu,”dehan nia iha sentru amijavel Lahane Dili, tersa ohin (01/06).

Aliende ne’e, Komisaun Nasional Direitu Labarik servisu hamutuk ho Ministeriu Justisa no UNICEF halo rezistu ba bebe sira atu hetan direitu ba nasionalidade.

Entretantu, asistente sentru amijavel Lahane, Senejiu Alves Nana agradese ba prezenti ne’ebé oferse ba labarik sira.

Nune’e estudante David do Rosario hanesan, estudante husi Suku Ailok hatete, maski labarik nia direitu garantidu maibé nia parte faan modo no kuda modo apoiu familia.

Asistente Editor: Saturnina da Costa