DILI:Sala Situasaun Sentru Integradu Krize (SIJK) relata ohin (31/05), ekipa konjunta rezista tan kazu foun 97 kompostu husi Munisipiu Dili 83, Bobonaro na’in 4 no Aileu, Vikeke, Covalima, Ermera no Lautem iha na’in 2.
Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo informa katak, husi total kazu ohin iha mane na’in 61 no feto na’in 36.
“ Pasiente foun hirak ne’e ho idade 12 iha na’in 2, idade entre tinan 12-59 iha 93, no idade 60 iha na’in 2,”dehan nia liu husi komunikadu segunda ohin.
Husi total pasiente hirak ne’e detetadu proporsaun kazu sintomátiku hamutuk 10,3%.
Dr. Rui mós relata katak, loron ohin rekuperadu na’in 119 kazu ativu 2,626.
Asistente Editor: Saturnina da Costa
