Adjunta Kordenador Forsa Tarefas ba Prevensaun no Mitigasaun Surtu Covid-19 iha Timor-Leste, Dra. Odete da Silva Viegas, hatete, munisipiu 10 ho RAEOA laiha ona kazu ativu no munisipiu 2 seluk sei iha kazu esporádiku.

“Ohin larejista kazu rekuperadu maibé, númeru kazu detetadu foun iha ida ho taxa positividade 0,1,” dehan nia iha komunikadu ne’ebé Online INDEPENDENTE asesu, sesta ne’e.

Nune’e, total komulativu kazu konfirmadu sura husi loron 21 fulan-Marsu 2020 to’o 26 Novembru 2021, hamutuk 19.821.

Aleinde, total komulativu kazu óbitu iha Timor-Leste hamutuk 122.

Ho nune’e, kobertura vasina kompletu ka doze daruak iha teritoriu Timor-Leste, atinji ona pursentu 57,8 (57,8%).

Entretantu, husi horseik (25/11) mai ohin, teste PCR ne’ebé Laboratoriu Nasional Saúde halo iha Dili hamutuk na’in 190, kompostu husi, vijilánsia sentinela na’in 4, random screening na’in 23, viájen internasional na’in 127 no follow up iha kuarentena na’in 3.

Enkuantu, teste PCR ne’ebé halo horseik iha munisipiu sira seluk, RAEOA no HNGV hamutuk 137, kompostu husi, Baukau na’in 25, Maliana na’in 9, Maubisse na’in 3, Suai na’in 17, Vikeke na’in 2, HNGV na’in 57 no Vera Crus na’in 24.