Tamba ne’e, Direktur Executivu CNC, Hugo Maria Fernandes sujere ba Governu halo uluk lei arkivu hodi sai hanesan matadalan atu CNC bele halo tuir.
“Diresaun Jeral Arkivu Nasional iha MAE Nia okos maka iha responsavel ba halo esbosu lei arkivo nian, CNC sai hanesan parseiru permanante ba MAE Tanba ne’e CNC iha responsabilidade moral hodi fó paraser nomos fó idea ne’ebé konstrutivu atu nunee esbosu lei ne’e bele sai hanesan lei defenitivo no util ba publiku iha futuru,"dehan Hugo iha CNC Balide ba online INDEPENDENTE,Kuarta (28/10).
Hugo informa katak esbosu lei arkivu ne’e iha ona Ministru Administração Estatal (MAE) no tuir planu sei lori esbosu ne’e ba Konsellu Ministru hodi aprova.
Atu nunee, tuir Hugo katak lei ne’e bele sai Lei Arkivu Nasional definitivu iha tempu badak.
Tuir observasaun online INDEPENDENTE iha terrenu katak, ema individu balun mós hasai dokumentu konfidensiál ne’e ba media sosial (públiku) ba sira nia intrese politika no grupu. Tanba ne’e, presiza lei arquivu hodi bele asegura no limite publikasaun dokumentus estadu nian.
Centro Nacional Chega nudar instituisaun publiku ne'ebe estabelese ho dekretu lei numeru 48/2016, ho nia vizaun sosiedade ida ne'ebe inkluzivu, la repete istoria pasadu nian, hodi promove direitu no valor umanu.
