BTL,E.P Kontratu ho Kompañia Lia-Lura Implementa Konstrusaun Sistema Bee Moos iha Suku Bualale Featured

By Grigoriu da Costa Abril 07, 2022 284
Prezidente Bee Timor-leste, Empreza Públiku (BTL,E.P) asina kontratu ho Kompañia Lia-Lura Unipesoal Lda, hodi implementa projetu kona-bá konstrusaun sistema bee moos, iha Suku Bualale, Postu Administrativu Kelikai, Munisipiu Baukau. Foto:INDEPENDENTE. Prezidente Bee Timor-leste, Empreza Públiku (BTL,E.P) asina kontratu ho Kompañia Lia-Lura Unipesoal Lda, hodi implementa projetu kona-bá konstrusaun sistema bee moos, iha Suku Bualale, Postu Administrativu Kelikai, Munisipiu Baukau. Foto:INDEPENDENTE.

DILI: Prezidente Bee Timor-leste, Empreza Públiku (BTL,E.P) asina kontratu ho Kompañia Lia-Lura Unipesoal Lda, hodi implementa projetu kona-bá konstrusaun sistema bee moos, iha Suku Bualale, Postu Administrativu Kelikai, Munisipiu Baukau.

“Ohin (horseik) BTL.E.P halo selebrasaun kontratu ho kompañia Lia-Lura Unipesoal Lda, atu realiza servisu konstrusaun fiziku sistema bee moos iha aldeia no suku Bualale postu administrativu  Kelikai, Munisipiu Baukau. Sistema bee moos ne'ebé uza ne'e sistema gravitasaun, nune’e bee ne’e sei dada husi bee matan ba iha komunidade sira,”dehan Prezidente Komisaun Ezekutivu, BTL,E.P, Carlos Peloi dos Santos, iha salaun enkontru, Kaikoli, kuarta horseik (06/04).

Nia hatutan, projetu kanalizasaun bee moos ne'e, sei benefisia ba uma kain 62 ho totál populasaun 434.

Alende ne'e, projetu ba sistema bee moos refere, sei distribui mós ba Klínika, Eskola, Igreja no Sede Suku.

Enkuantu, projetu konstrusaun ba sistema bee moos ne'e, sei gasta orsamentu hamutuk dollar amerikanu, rihun $230,237,22.

Tanba ne’e, Prezidente dehan, iha tempu badak, BTL, E.P, sei lansa projetu konstrusaun sistema bee moos ne'e, ho durasaun ba termu kontratu fulan neen (6), hahú husi fulan-abrili to’o setembru 2022.

Entretantu, Na’in ba Kompañia Lia-Lura Unipessoal Lda, Gabriela Conçeiçaõ Boavida, hatete, tuir planu tenki aselera lalais servisu ne'ebé mak iha, nune’e komunidade sira mós bele asesu ba bee moos. Nune’e, komapañia sei esforsu tuir kontratu ne’ebé iha.

 Enkuantu, Xefe Suku Bualale, Gabriela Belo, agradese ba Kompañia ho BTL,EP ne’ebé iha interese bo’ot bele implementa projetu konstrusaun sistema bee moos iha suku refere.

Rate this item
(0 votes)

Independente Digital TV