Iha diferensia bo’ot tebes entre operasaun aviacao iha Europa kompara Timor.

Iha Europa maioria Airlines sira hetan subsidio husi sira nia Estado ho’o razaun hodi facilita movimento no interese passageiro hakarak ba sira nia rai.

Subsisio saida deit, iha Europa mina ba aviao la selu taxa, ticket nebe faan mos la selu VAT “value added tax” Airlines balun mos por exemplo nia ticket lolos $300 maibe Estado taka 50% hodi Airline bele faan ba publico $150. Iha mos keringanan barak hanesan fees sira iha Aeroporto nomos taxa ba passageiro nee minim tebes. Bele google ho’o titulo “is Airlines in Europe subsidized”

Kompara ho’o Timor nebe subsidio 0 “zero” nune folin Asli husi Airline mak se faan ba publico.

Exemplo ida hanesan mina kareta iha Indonesia folin baratu tamba Governo foo subsidio maibe Iha Timor Leste Governo la fo subsidio nune folin mina karun liu kompara ho iha Indonesia nian.

Parte seluk mos iha Europa prioritiza tebes transporte Aerio tamba transporte Aerio metode diak liu e lais liu hodi halo movimento publico husi fatin dok.

Iha Europa mos, dala ruma nacao membro ida husu Airline balun hodi semu ba cidade balun iha sira nia nacao hodi facilita movimento publico atu ajuda desenvolve ekonomia lokal maibe Airline balun lakoi nune Governo maka selu fali Airline sira hodi semu ba sira Nia cidade “Subsidio”, exemplo diak mak grand canaries nebe uluk airline barak lakoi ba ida maibe Governo lokal mak selu Airline barak hodi semu husi cidades boot iha europa ba Grand canaries nebe ikus mai Airline sira tuir e faan ticket baratu los, kuando Grand Canaria nia setor turismo diak tebes ona nune sira nia Governo komesa halakon subsidio sira maibe Airline sira husi Europa semu nafatin ba tamba mercado iha ona.

Iha mos metode seluk por exemplo:

Husi London ba Amsterdam folin bele baratu los tamba kada loron iha aviao barak tebes nebe semu entre cidade rua nee hanesan KLM semu dala 32 kada loron entre cidade rua nee, virgin semu dala 31 kada loron e british airways semu dala 29 kada loron emtre cidade rua nee nune husi kompeticao folin tun tebes e baratu. Kompara iha Timor nebe Airline ida mai dala ida deit kada loron.

Razaun seluk mos depende ba Airline nia total fleet, por exemplo Airline nebe iha aviao barak liu 100 bele faan ticket baratu liu kompara Airline ida nebe iha deit aviao 2 ka 3.

Dala ida tan iha Timor-Leste la iha subsidio ida ba Airlines hanesan iha Europa. Ho’o nune folin la hanesan iha Europa kompara ho’o Timor Leste.

Obrigado.