Manutensan ba ró Nakroma ne'e Governu liu husi Autoridade Portuáriu Timor-Leste Institutu Públiku (APORTIL.IP) hala’o kontratu ho kompaña Ocean.
Diretór APORTIL.IP, Tito Moreira hateten, makse manutensaun ba ró refere tekniku sira finaliza ona tuir loron ne'ebé determina, maibé autoridade Surabaya seidauk bele autoriza mai TL tanba seidauk priense rekejitus.
"Ró Nakroman seidauk mai tanba ita tenke trata dokumentus hirak ne'ebé relevante, nune’e sira bele autoriza ró sai ona mai Timor, maibé ita mós hakarak prosesu manutensaun ne’e tenke ho kualidade," dehan Tito Moreira ba Jornalista INDEPENDENTE iha nia knaar fatin, Kolmera, foin lalais.
Nia haktuir, loloos ró refere tenke sai ona husi Surabaya iha loron 15 Setembru 2022, tanba halo ona operasaun ikus hodi koko iha tasi laran.
Autoridade Indonézia sei husu atu komplete rekomendasaun balun no husu ita labele ansi tenke mai lalais. Tanba, se ita ansi atu haruka ró mai lalais timor mak akontese falla ruma, públiku bele kestiona kona ba kualidade manutensaun.
"Agora atu sai husi ne'ebá ne'e mak kompaña tenke prepara dokementus no kompleta Administrasaun, hafoin maka autoridade Indonézia bele autoriza ró sai " tenik nia.
Antes ne’e, APORTIL promete tuir kontratu ne'ebé iha fulan Agusto nia laran ró tenke mai ona, maibé tanba tarde halo (Sitrael) operasaun iha tasi, entaun prolonga ba loron 15 Setembru 2022 ró ne’e sai ona husi Surabaya, maibé realidade seidauk bele mai tanba kompaña presiza tan priense rekejitus husi autoridade Surabaya hafoin bele mai.
