“SEFOPE hamutuk ho vitima sira indentifika ona autor ne'ebé halo kobransa illegal. Autor halo ona komprimisiu ho vitima sira no tempu badak sei fó fila vitima sira nia osan,” informa Carlito Rosario Cabral ba Jornalista INDEPENDENTE foin lalais.
Basea ba sira nia promesa katak iha fulan Abril atu fó fila vitima sira nia osan. Maibé, autor husi Sekretariu Estadu Formasaun Profesional no Empregu (SEFOPE) indetifika tiha ona.
Agora dadaun nia ne'ebé tanbá vitima sira mak hatudu fotografia ninia hela fatin iha ne'ebe no iha rai laran ka rai liur, vitima sira mak hatudu.
SEFOPE halo Koordenasaun ho autoridade lokal no seguransa sira iha munisipiu Likisa, sira kontaktu mai ona SEFOPE hodi buka evidensia husi vitima sira atu hamutuk halo prosesu ba autor ne'ebé komete hahalok a'at ne’e.
Nia haktuir, vitima sira mai hato'o keisa SEFOPE katak ema nain ida mak halo Kobransa ba sira no promete ba sira katak iha tempu badak ba tuir teste saude ba servisu iha Australia.
Maibé, realidade tuir promesa sira ne'e to'o agora seidauk realiza, tanba ne'e vitima sira mai hato'o informasaun sira ne'e ba SEFOPE no sira hatudu duni autor nia fotografia katak ema ne'e servisu iha rai liur.
Autor promesa katak sei fo fila vitima sira nia osan, ne'ebé SEFOPE hamutuk ho vitima sei hein uitoan to'o data ida ne'ebe Promete hodi divilve osan la akontese depois halo ba autor refere ne'e ba oin.
Nune'e ita bele indetifika no sei servisu hamutuk ho Embaixada Australia iha Timor-Leste atu bele halo indetifikasaun ba autor iha rai liur karik prosesa nia tuir regras ne'ebé iha Australia.
