Enkuantu, vasina nee tranporta ho Aviaun TRI-M-G Airlines to’o iha Aeroportu Nikolau Lobato, Komoro, ohin (29/01) mais ou menus iha tuku 11:30 otl.
Tuir Enkaregada Embaixadora Australia, iha Timor-Leste, Suzanne Wilson-Uilelea, hatete, Governu Australia iha komprimisu boot hakarak ajuda povu no nasaun Timor-Leste hodi kombate pandemia Covid-19.
Tanba nee, Australia liu husi UNICEF esforsu hodi lori vasina Pfizer nee mai Timor-Leste.
“Kontribusaun ne'e halo parte ami nia kompromisiu hodi ajuda no proteje povu iha nasaun ne'e husi Covid-19,”dehan nia iha Aeroportu Komoro, sabado nee.
Nia hatutan, Governu Australia mós oferese ona vasina AstraZeneca ho doze 777.850 ba Timor-Leste no orsamentu millaun 3,5 doral Australia ba parseiru dezenvolvimentu iha area saúde, inklui UNICEF no OMS ba apoiu programa implementasaun vasinasaun.
“Ha’u kontente hodi reprezenta UNICEF hodi hamutuk ho Governu Australia entrega vasina Pfizer ho doze 259.740 ba Timor-Leste. Ida nee hanesan parte ida, husi vasina doze 1.260.090, neebé kompromete ona apoia Timor-Leste liu husi UNICEF,” dehan Reprezentante UNICEF, Bilal Durrani.
Nia haktuir, vasina Pfizer doze hirak nee, atu vasina ba labarik ho idade 12 too 18 no mós sei uza nudar doze datoluk ba adultu sira neebé ho idade 18 ba leten.
Entretantu, UNICEF mós kontinua apoiu tekniku sira iha area lojistiku no finansial, neebé hahú husi jestaun vasina no fortifika kapasidade kadeia malirin.
Asistente Editor: Saturnina da Costa
