Tane Konsumidor sempre ajuda konsumidor sira halo peskiza regular kona-ba folin, liu-liu folin ba produtu ne'ebé konsumidor sira konsume.
" Ami sempre anunsia final iha fulan Agostu, no sei halo tan iha Dezembru atu nune'e fornese nafatin informasaun ba konsumidor sira, tanba konsumidor sira iha direitu asesu informasaun kona ba produtu ne'ebé fa’an iha loja no merkadu," dehan António Ramos hafoin aprezenta rejultadu peskiza ba folin sasan iha ninia knar fatin Vila-Verde, (24/11).
Nia dehan, Tane Konsumidor sempre serbisu hamutuk ho instituisaun sira seluk bele halo partisipasaun instituisaun sira nian para lori rezolve komflitu de konsumu entre loja nain no mós Konsumidor sira atu bele kumpri tuir bu'at ne'ebé mak iha.
Tanba ne'e mak iha apresiasaun kritika iha parte ikus ne'e dehan katak entidade prevensaun no fiskalizasaun sira ativu lo'os iha terrenu no akompana.
"Karik mosu problema ho folin ne'ebé aas iha merkadu bele denunsia kedas ba loja na'in, se lae bele denunsia mai tane nune'e tane bele serbisu hamutuk ho Autoridade Inspesaun Fiskalizasaun Avaliasaun Ekonómia Sanitaria (AIFAESA) ami serbisu hamutuk para halo intervensaun," nia salienta.
Tuir nia, situasaun presu iha merkadu ne'e tanba Timor ne'e dependensia ba iha fator lubun ida, fator internal tanba lista ne'e hatudu katak produsaun nasionál ladún naton, liu-liu hanesan mina no fos ne'e depende maka'as ba importasaun, kuandu situasaun merkadu internasionál automatikamente influénsia mai Timor.
"Tanba ita haree funu iha Ukránia no Pandemia Covid-19 ne'e influénsia ba folin merkadu maibé ita mós labele aproveita atu hasae folin tun tuir fali gostu de'it, ida ne'e afeita ba ita nia Konsumidor sira," nia akresenta.
Nia afirma, tanba ne'e Tane bolu atensaun ba Konsumidor sira atu kritiku, liu-liu bolu atensaun mós ba Autoridade sira ne'ebé kompetensia ba ida ne'e atu tau atensaun ba merkadu sira labele halimar folin tuir de'it sira nia hakarak.
Folin sasan iha loja W.Four (Audian) Mina sona litru 1 $ 2.25, Leader (Komoro) $ 2.50, Jacinto (Kuluhun) $ 2.50, Meimart (Fatuhada)$ 3.00, Presu ne'ebé mais baixu $ 2.25, Presu mais altu $ 3.00, variasaun 33%.
Iha W.Four (Audian) Masi-Midar1kg $ 1.15, Leader (Comoro) $ 1.15, Jacinto (Kuluhun) $ 1.25, Meimart (Fatuhada) $ 1.15, Presu ne'ebé mais baixu $ 1.15, Presu mais altu $ 1.25, variasaun 9%.
Fos rai iha loja W.Four (Audian) Fos rai Mutin 5 kg $ 8.00, Leader (Comoro) $ 7.00, Jacinto (Kuluhun) $ 9.00, Meimart (Fatuhada)$ 8.75, Loja Agricultura (fatuhada) $ 6.25, presu ne'ebé mais baixu $ 6.25 no presu mais altu $ 9.00, variasaun 44%.
