Xefe seksaun Komunikasaun-APS, Nelson Orleans Nunes hatete, Autoridade Protesaun Sivil prontu nafatin maibé bazeia ba despaixu husi Sekretária Estadu Asuntu Toponomia no Organizasaun Urbana ba SEPC, tanba Departamentu Dezastre Naturais prontu nafatin atu apoiu pakote emerjénsi ba vítima eviksaun iha kapital Dili.
“Ha’u senti katak, ami husi protesaun sivil seidauk iha despaixu ida parte husi Sekretáriu Estadu Asuntu Toponimia nomós husi Prezidente Autoriedade Munisípiu Dili, maibé ami prontu atu halo servisu nafatin ba ida ne’e,” dehan Xefe Seksaun iha Salaun Konferénsia APS Kaikoli, Segunda (03/06).
Tanba Autoriedade Protesaun Sivil halai liu bai ha dezastre naturais,tan ne’e banhira dezastre sira prontu tun maibé kona-ba eviksaun Parte husi SEATOU hamutuk ho AMD sei halo kooperasun ho SEPS hafoin APC halo nia servisu.
Entertantu, tuir dadus familia ne’ebé afeita ba evisksaun iha Munisípiu Dili, ne’ebé Ekipa Jestaun Merkadu rejistu hamutuk 158 kompostu husi Kampu Alor 26, Bidau Akadiru-Hun 92 no Bidau Santa Ana 40.
Maibé dadus husi Suku Komoro nia dadaun ne’e ekipa ne’ebé lidera husi SEATOU sei halo leventamentu dadus.
Enkuantu, Relasiona ho eviksaun iha Kapitál Dili, molok ne’e Sekretariu Estadu Protesaun Sivil Domingos Mariano Reis hatete, governu liu husi SEPS hato’o solidariedade ba vitima eviksaun liu husi apoiu pakote emerjensia liliu inan-isin rua, Ema ho Defisiensia (EhD), labarik no idozus sira.