Prezidente Autoridade Protesaun Sivil (APS) Superintendente Polisia Ismael Da Costa Babo hatete, liuhusi análize no diagnóstika ne’ebé hatudu katak populasaun maioria seidauk iha konsiensia ba prevensaun dezastre naturais iha Timor-Leste.
“Análiza no dianóstika ne’ebé ami halo katak dezafius ida komún mak konsiensia populasaun ba prevensaun dezastre naturais ne’e dezafiu ida primeiru mak ami hasoru adaptasaun mudansa klimátiku sai dezafiu Mundiál la'ós iha Timor globalmente regional no nasionál katak dezastre sai dezafiu no mudansa klimatika” hatete nia ba jornalista sira iha salaun APC, Kuarta (17/01)
Tanba ne’e mak husu ba populasaun sira nia konsiesia oinsá atu adopta labele soe lixu arbiru, maibé tenke kuda ai tesi, la bele sunu rai, no labele hela iha fatin ne'ebé mak risku ba dezastre sira ne'e hanesan mota ninin foho lolon.
Dezafius intermu ba protesaun sivil mak ami presiza nafatin ne'ebé mak akonpania espasu de servisu sedauk adekuadu no hare hela ida ne'e dezafius seluk mak fasilidade komúnisaun transporte nesesidade báziku minimu para ami bele halo operasaun.
Nia akresenta tan katak, iha mós dezafius seluk mak kapasitasaun rekursu humanus mak kontinua nafatin mudansa klimatika ne'e ho sistema hotu -hotu ne'e ho teknolojia alerta sistema sira ne'e ho kapasitasaun pesoal sira kontinua fo hatene aprende aprosima ba ekipamentus sira ne'e la bele familiarismu bele alerta sidadaun sira.
“husu nafatin ba nai ulun sira nafatin Estadu tau orsamentu melora kompleta fasilidade ne'ebé mak protesaun sivil sedauk iha halo manutensaun nafatin mak menus ita solusita para tau polítika nafatin ba investimentu tanba dezastre naturais atu bele halo prevensaun duke ita rekopera tuir orsamentu boot di'ak liu ita rekopera no sosielizasaun ho situasaun sira ne'e bele minimiza orsamentu Estadu,” hatutan nia.
Iha kuarta feira ne’e Autoridade Protesaun Sivil realiza enkontru hodi halo avaliasaun ba tinan kotuk kona-ba dezafius sira ne'ebé mak sira hasoru.
“Ne'ebé mak ita infrenta iha tinan kotuk liu ba sai referênsia atu bele haree fali lakunas sira ne'e para halo melora hodi hakat ba fali 2024 ne'e hadia no melora di'ak liu tan,” hakotu nia.