Iha diskursu Xefe Estadu Maior F-FDTL Brigadeiro Jenerál José da Costa Soares "Trix" hatete, ezisténsia CICNL ba dala-25 la’os deit marka temporal, maibé hanesan mós testamuña no evolusaun liu-liu servisu ba Timor-Leste.
“Ohin ita selebra loron ezisténsia Sentru Instrusaun Komandante Nicolau Lobato. Tinan rua nulu-resin-lima la'ós de'it marka temporal, hanesan testemuñu ba reziliénsia, evolusaun no, liu-liu, servisu ba Timor-Leste,” hateten CEM F-FDTL Brigadeiro Jenerál Trix, liu husi komunikadu ne’ebé Média online INDEPENDENTE asesu husi Media Média F-FDTL, Sabadu (21/02).
Eis Funu nain ne'e haktuir tan katak kontinua ho fiél ba valór sira FALINTIL nian ho espíritu sakrifisiu tenasidade no patriotizmu.
"Sentru ida-ne'e maka bersu ba ita-nia identidade militár. Iha ne'e, la'ós de'it forma soldadu sira; iha ne'e molda karakter militár, CICNL tenke kontinua sai kustódiu no kontinuadór fiél ba valór sira FALINTIL nian. Espíritu sakrifísiu, tenasidade, no patriotizmu ne'ebé orienta ita-nia eroi sira iha foho lolon sira durante rezisténsia tenke refleta nafatin iha instrusaun hotu-hotu, formatura hotu-hotu, no marxa hotu-hotu. Ita maka erdeiru husi liñajen aten-barani nian, no Sentru ida-ne'e maka rai-bokur ne'ebé kuda fini ba jerasaun foun sira" haktuir Eis Funu Nain ne'e.
Xefe Estadu Maior F-FDTL ne'e dezafia no husu atu hakas an tenki sai kualidade, doutrinaria no téknika no husu atu labele aseita buat ida ne'ebé menus husi perfisaun iha formasaun sira hanesan Husi rekrutamentu inisiál, liu husi ezijénsia téknika kursu promosaun ba Kabu no Sarjentu, to'o kompleksidade Kursu Formasaun Ofisiál. Kursu sira hotu iha ne'e atu lezije male krigor no kompeténsia.
Iha tempu hanesan, Komandante CICNL Tenente Koronel Graduadu Elizeu Guterres "SABE AS" reforsa, husi serimónia ida ne'e rekoñese hanesan papel fundamental ida husi CICNL ne'ebé forma militár atu sai disipliñadu, kompotente, dedikadu ba soberánia integridade terrióriu no estabilidade estadu nian.
"Selebrasaun loron ida-ne'e hodi rekoñese papel fundamentál husi Sentru Instrusaun neʼebé iha konstrusaun husi FALINTIL-Forsa Defeza Timor-Leste, ne'ebé forma militár disipliñadu, kompetente no dedikadu ba soberánia, integridade territórial no estabilidade Estadu nian. Naran Nicolau Lobato relembra korazen, determinasaun no sakrifísiu, valor-sira neʼebé orienta Formasaun ba FALINTIL-Forsa Defeza Timor-Leste hanesan serví povu timorense ho profesionalizmu no sentidu de misaun. Iha Sentru Instrusaun ida-ne'e forma feto no mane ne'ebé forte, preparadu atu defende prinsípiu no identidade nasionál,” hateten komandante CICNL.
Komandante CICNL ne'e salienta liu tan perkursu husi CICNL rezulta ho komitmentu, profisionalizmu militár no sivís sira no mós konsolida instituisaun sai konfiavél no dezafiu ne'ebé sai estratézia garante prontidaun operasionál liu husi instrusaun regirozu lideransa ezemplar hodi transmite valor sira.
“Perkursu Sentru Instrusaun Komandante Nicolau Lobato rezulta husi komitmentu no profissionalizmu militár no sivís-sira neʼebé konsolida instituisaun sai konfiável. Ba dezafiu neʼebé aas, formasaun militár mak sai estratéjia garante prontidaun operasional liu husi instrusaun rigorozu, lideransa ezemplar no transmiti valór sira. Forma ho kualidade mak kumpri misaun, reforsa efikásia F-FDTL no soberánia Timor-Leste,” haktuir Komandante CICNL.
Ikus liu komandante CICNL hato’o rekoñese ho onra diariamente Sentru Instrusaun Komandante Nicolau Lobato husu atu sai ezemplu hanesan Komandante Nicolau Lobato nian, hodi fó inspirasaun ba ita hotu, nune'e Sentru Instrusaun ida-ne'e mós bele kontinua forma militár sira neʼebé komprometidu no kualifikadu, hodi garante katak sakrifísiu hosi sira-nia luta ba ukun rasik an sei la lakon.
