Prezidente ANAS I.P Domingos Pinto hateten, survei ne'e atu husu sira nia opiniaun kona-bá so’e Lixu no sira nia obstákulu saida, ANAS mós sei serbisu ho Ministeriu relevante atu haree solusaun ba problema lixu.
"Agora daudaun ita prepara hela ita nia kondisaun, ami agora survei hela kona-ba Uma kain sira iha Dili laran atu husu sira nia opiniaun oinsa so’e lixu, sira nia obstákulu saida," nia hateten hafoin partisipa Jornada Orsamentál iha Ministériu Finansas Aitarak-Laran, Kinta (30/06).
Bainhira survei ne'e hotu ona, ANAS sei esprimenta kona-bá industria sira liu-liu otelaria, Xineza sira baibain produs besi maka'as ANAS mós sei halo survei ba ida-ne'e.
Tanba lixu sai ona ssuntu ida ne'ebé sériu, tanba haree iha Dili laran lixu sempre trankadu iha estrada sai to'o tasi, entaun ida ne'e sai asuntu sériu ba autoridade sira haree ida-ne'e.
Tanba atu hetan solusaun maka presiza haree uluk lixu ninia problema loloos ne'e iha ne'ebé, ne'e mak liu husi survei sira ne'e halo konkluzaun, hafoin mak ko’alia ho jestor sira liu-liu hanesan Ministeriu Administrasaun Estatal sira mak halo Jestaun ba Lixu hafoin bele dehan BTL halo Jestaun ba rezidu likidu, entaun hamutuk ho sira atu haree rezolve problema lixu.
Molok ne'e Sosiedade Sivil liu husi Asosiasaun Yayasan HAK, Sisto Ximenes hateten, problema lixu labele fo kulpa ba Governu uluk no agora ne'e, tanba tenke haree uluk ba konsiensia no disiplina husi komunidade kona-bá so’e lixu.
