Alterasaun LPV Presiza iha Levantementu Estudu Featured

By Cristina Ximenes Fevereiru 21, 2024 1069
Prezidente Parlamentu Nasionál, Maria Fernanda Lay. Foto:Media PN. Prezidente Parlamentu Nasionál, Maria Fernanda Lay. Foto:Media PN.

DILI: Prezidente Parlamentu Nasionál, Maria Fernanda Lay hatete, alterasaun ba Lei Pensaun Vitalisia (LPV) presiza iha levantamentu estudu ida atu tranzita ba seguransa sosiál.

Nia dehan, insiativa ne'e tenke mai husi deputadu, uluk deputadu balun dehan insiativa sira nian lori mai mak haree took, la automatikamente proposta ida sira hato'o ne'e mak tenke ba.

"Presiza iha levantementu estudu ida atu tranzita pensaun vitalisia ba seguransa sosiál, bainhira bele fó leva de pensaun ida ne'ebé viavel ba ita nia titulár sira no la'ós Timor Leste de'it," dehan Fernanda Lay, iha Palasiu Prezidensiál, Bairru-Pite, horisehik.

Nia hatutan, tanba se mak aprova lei pensaun vitalisia deputadu ne'ebé aprova ba sira rasik.

Maibé, insiativa ne'e seidauk mosu mai halo estudu lai, nune'e Prezidente PN husu mós sosiédade sivil mós bele halo tau mai mak diksute, tanba pensaun vitalisia ne'e lá'os ba deputadu de'it maibé ba titulár sira governu no mós Prezidente Repúblika mós simu.

Nia esplika, agora nia simu tiha nia la servisu, lei hatete nia tenke halo servisu hanesan barak ne'ebé soe piadas ba deputadu sira efeitivu, di'ak liu nia uza pensaun vitalisia ne'ebé lei fó obriga nia halo servisu ba povu ne'e, ne'ebé presiza ita hotu tau matan, la'ós devér deputadu efetivu de'it, sira ne'ebé simu pensaun vitalisia mós labele toba de'it iha uma, halo servisu ba povu.

Molok ne'e, iha loron 19 Janeiru 2024 Prezidente Parlamentu Nasionál Maria Fernanda Lay hasoru malu ho Prezidente Repúblika José Ramos Horta hatete, lei pensaun vitalisia tau ona iha ajenda parlamentár atu halo alterasaun liu husi diskusaun iha tempu besik.

Rate this item
(0 votes)
Last modified on Kuarta, 21 Fevereiru 2024 11:24

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30